Albumi EP “Zanin” i Elhaida Danit u prit mirë nga publiku, ndonëse mes tyre pati edhe komente që e krahasuan me Elvana Gjatën.
Disa prej komenteve ishin: “Stili i Elvana Gjatës,” “Imitim i Elvana Gjatës deri në detaje,” “Elvana Gjata mode on,” “Elhaida Dani është një këngëtare e mirëfilltë që në çdo skenë që është ngjitur ka patur sukses me zërin e saj të veçantë. Çdo këngëtare që është e mirëfilltë dhe ka marr duartrokitjet e publikut, gjithmonë i kam adhuruar, por të themi një gjë të vërtetë, që disa klipe të Elhaidës më përngjajnë shumë me të Elvana Gjatës. Nuk më pëlqen që do të bëhet fotokopja e Elvanës”.
Krahasimet duket se i referohen albumit “Çelu” të Elvanës, i publikuar pak kohë më parë dhe i shoqëruar me klipe muzikore, ashtu si këngët në “Zanin”.
Në një intervistë për T7, Elhaida u shpreh se “nuk është e vërtetë” që ka kopjuar Elvanën. Ajo shtoi se Elvana ishte e para që solli këtë stil të të bërit muzikë dhe hapi rrugën për artistët e tjerë.
“Të them të drejtën, është e vërtetë që Elvana ka qenë e para që risolli muzikën shqiptare në këtë lloj stili, në këtë lloj mënyrë sa më moderne dhe e kam vlerësuar shumë, sepse duhej ta bënte dikush. Elvana e bëri aq mirë sa e riktheu në modë le të themi, kështu që i hapi hapësirë çdo artisti tjetër për ta bërë," tha Elhaida.
