Dizajnerja Donatella Versace di si të emocionojë me çdo prezantim koleksionesh. Surpriza e radhës e saj ishte Dua Lipa, e cila hapi dhe mbylli sfilatën Pranverë/Verë 2022.
Veshja e parë e Duas ishte një kostum seksi me prerje strategjike, të siguruara me paramanë.
Prej kohësh, Dua ka gjetur veten në veshjet e Versace-s. Krijimet e Donatella-s përbëjnë pjesën më të madhe të veshjeve që stilisti i saj, Lorenzo Posocco, zgjedh për të. "Të punosh kaq afër me Donatella-n dhe të lidhesh me dashurinë tonë të përbashkët për modën ka qenë surreale," tha Dua në qershor.
View this post on Instagram
Dua mbylli sfilatën me një veshje (crop top + fund) rozë me shkëlqim.
Por nuk ishte vetëm Dua. Naomi Campbell, Emily Ratajkowski, Lola Leon dhe Gigi Hadid “thyen” internetin, sa për pak çaste website i Versace-s u bllokua për shkak të trafikut të lartë në transmetimin e drejtpërdrejtë.
Koleksioni përcjell një ndjesi rinore, luan me detajet, përmban copa me logo, ngjyra të forta, përfshirë edhe nuancat neon.
