Autoritetet në Wyoming kanë lëshuar një urdhër për arrestimin e të fejuarit të 22-vjeçares Gabby Petito, influencueses së #Vanlife, vdekja e së cilës u cilësua këtë javë si vrasje.

Brian Laundrie ishte emëruar më parë një "person me interes" në zhdukjen e saj para se ai të zhdukej vetë. Ai tani është akuzuar për një krim federal, "përdorimin e pajisjes së paautorizuar", një kartë debiti Capital One në ditët pas vdekjes së saj.

Sipas padisë federale të lëshuar të mërkurën, 22 shtator, Laundrie përdori një kartë debiti dhe një numër identifikimi personal të lidhur me dy llogari bankare të Capital One për të marrë një vlerë totale prej $1000 ose më shumë, midis 30 gushtit dhe 1 shtatorit. Aktakuza nuk thotë se cili ishte pronar i kartës së debitit.

Petito, një yll aspirues i mediave sociale, u raportua e zhdukur më 11 shtator dhe u pa për herë të fundit pranë Parkut Kombëtar Grand Teton në Wyoming. Laundrie është zhdukur që nga 17 shtatori - tre ditë pasi u tha prindërve se do të bënte një shëtitje në një rezervat natyrore në Florida. Kërkimi për partnerin e Gabby-t vazhdon që prej më shumë se një jave.

Pas zhdukjes së Petito, rasti u bë viral në TikTok dhe rrjete të tjera sociale, me njerëz që përpiqeshin të zbardhnin çështjen. Shkaku i vdekjes së saj është ende nën hetim.

Mësoni më shumë detaje për historinë këtu dhe këtu.

Burimi: Buzz Feed