Michael, shoku i kushëririt të Nicki Minaj, me sa duket anuloi dasmën sepse testikujt e tij ishin fryrë. Pse e dimë këtë? Ne nuk duam ta dimë këtë!
Siç mund ta keni vënë re, Nicki Minaj mungoi në Met Gala 2021. Për të sqaruar fansat që mezi e prisnin, ajo postoi në Twitter:
“Kushëriri im në Trinidad nuk do ta bëjë vaksinën pasi shoku i tij e bëri dhe u bë impotent. Testikujt iu ënjtën. Ai kishte dasmën për disa javë, tani vajza anuloi dasmën.”
Por pse nuk shkoi në Met Gala? Sepse organizatorët e Met Gala u kërkuan të pranishmëve që të dëshmonin që ishin vaksinuar.
“Ata duan që të vaksinohesh për Met. Nëse vaksinohem, nuk do të jetë për Met. Do të ndodhë kur të bindem se kam bërë mjaftueshëm kërkime. Jam duke u marrë me këtë.” – shkroi ajo.
Pastaj, pavarësisht se sugjeroi se vaksinat mund të shkaktojmë impotencë te burra (gjë që nuk është e vërtetë dhe është hedhur poshtë nga ekspertët e shëndetit, të cilët theksojnë se vaksina nuk ndikon te pjelloria), Nicki u shpreh:
“Do të rekomandoja që ta bënit vaksinën,” tha reperja për ata që duhet të vaksinohen për të shkuar në punë. “Jam e sigurt që do të vaksinohem, sepse më duhet të shkoj nëpër turne.”
Ndër të tjera, Nicki shtoi se Drake u infektua me Covid, pavarësisht se ishte vaksinuar (duke harruar që qëllimi i vërtetë i vaksinave është që të të mbrojnë nga simptomat e rënda ose shtrimi në spital/vdekja dhe jo nga infektimi).
Si reaguan njerëzit? Reagimi ishte i shpejtë. Shumica e njerëzve nxituan të kundërshtonin reperen në lidhje me qasjen e saj ndaj vaksinave, ku disa përmendën që “1600 njerëz në SHBA vdesin çdo ditë”.
Sigurisht që Twitteri “u hutua” nga çështja e testikujve dhe patjetër që nuk munguan shakatë dhe ironitë.
Reperja u përgjigj me klasiken: “Unë them çfarë të dua, kur të dua dhe si të dua...interneti nuk më tremb.”
Burimet: Guardian, Page Six
