Social Buzz

10+ gjëra që të gjithë duhet t'i dinë përpara të 40-ave!

Shkruar nga Anabel

13 Shtator 2021

10+ gjëra që të gjithë duhet t'i dinë përpara

Jeta është ajo që ndodh kur jeni të zënë duke bërë plane. Një ditë, do të kuptoni se koha ka kaluar dhe keni lënë pas dekada të tëra. Mësoni që tani, ca gjëra që do donit t'i kishit dëgjuar më parë.

1. Shihni veç punën tuaj, lërini të tjerët në punën e tyre

Tani jeni mjaft të mençur për të kuptuar se zgjedhjet tuaja të jetës varen nga ju. Prandaj, nuk duhet ta vendosni veten nën vëzhgimin e të tjerëve për t'u ndjerë më mirë me veten. Bëni atë që është më e mira për ju dhe mos i kushtoni shumë vëmendje se ç'kanë për të thënë të tjerët në lidhje me këtë. Përqafoni vullnetin për të ndryshuar jetën tuaj, ashtu siç ju doni.

2. Lërini dramat në telenovela

Kur jemi më të vegjël, çdo pengesë ndihet si diçka aq shkatërruese sa duket sikur nuk do të jemi kurrë në gjendje të shërohemi prej saj. Sidoqoftë, rezulton se ndjenja e trishtimit përfundimisht mund t'ju ndihmojë të ndiheni më mirë.

Është vërtetuar se një përzierje emocionesh si lumturia dhe trishtimi mund të përmirësojnë mirëqenien tonë mendore dhe t'i japin më shumë kuptim jetës sonë. Asgjë nuk rezulton kurrë ashtu siç e presim, ajo që përcakton qëndrueshmërinë tonë është ajo që bëjmë me ato që na sjell jeta. 

3. Merrni kohë për miqtë tuaj

Dita juaj tani mund të përfshijë takime biznesi, të çuarit e fëmijëve në shkollë, në kurse, pazari me ushqime etj. E kuptojmë, jeta bëhet më e ngarkuar. Megjithatë, ju duhet gjithsesi të gjeni pak kohë në javë për miqtë tuaj. Mendojeni këtë si "kohë terapie".

4. Përsosmëria nuk ekziston

Qëllimi nuk është të jesh perfekt/e, por thjesht të ndihesh rehat në lëkurën tënde. Perceptimi i pamjes sonë fizike është njollosur nga vitet e përpjekjes për të arritur standarde joreale të bukurisë. Gjithsesi, në rrugën tuaj drejt pranimit, mbani mend se filtrat e Instagramit dhe makeup-i, janë vetëm aq, sipërfaqja.

5. Posedimet janë vetëm aq: Objekte që zotëroni

Nuk ka asgjë si ajo emocionimi kur merrni një paketë ose ktheheni nga dyqani i ngarkuar me blerjet tuaja të fundit. Pasi "qejfi kalon", arrini në përfundimin se ishin thjesht një palë këpucë të reja. Një shtëpi do të thotë të paguash një hipotekë, fatura dhe më shumë dhoma për t'u pastruar. Në një moment, emocioni do të zbehet sepse anjë send nuk mund të na emocionojë pafundësisht. Prandaj, kur të mos ndiheni mirë se nuk keni diçka, mendoni për gjithë gjërat që keni dhe do të keni në të ardhmen.

6. Tregoni sa vleni

Kur jemi të rinj, na thuhet të punojmë shumë dhe gjërat përfundimisht do të shkojnë aty ku duhet. Por ndonjëherë ne gjithashtu duhet t'i bëjmë ato të ndodhin. Filloni të merrni pjesë në mënyrë më aktive në takime, jepni ide të reja për ta bërë vendin tuaj të punës më të mirë dhe ndaloni së frenuari veten. Ju madje mund t'ia kërkoni edhe shefit tuaj, rritjen e rrogës që mendoni se meritoni.

7. Shtoni mbrojtës nga dielli në rutinën tuaj të mëngjesit

Kremi i diellit ju duhet çdo ditë të vitit nëse doni një lëkurë të freskët me më pak gjasa për t'u plakur shpejt.

8. Bëhuni gati të quheni “teta" ose "xhaxhi"

Ju mund të jeni duke pritur në radhë në supermarket, duke mbajtur derën e ashensorit për dikë, apo edhe duke marrë kafen tuaj në mëngjes kur dëgjoni dikë të thotë fjalën "teta". Ktheheni duke menduar se ata po flasin me dikë tjetër, por jo. Pavarësisht se kur ndodh, me siguri do t'ju kapë në befasi. Është mirë ta konsideroni si shenjë respekti dhe të mos e mendoni gjatë.

9. Pasuria juaj më e madhe do të jetë rezistenca dhe disiplina

Në momentin që mësoni të disiplinoni veten, ju keni kontroll të plotë mbi të. Atëherë, keni fituar çdo sfidë që është në kokën tuaj.

10. Në fund të ditës, nuk ka asnjë vend si shtëpia

Mund të jetë edhe shtëpia më e vogël, përsëri për ju, do të mbetet streha më e rehatshme, sepse është streha juaj. Kujdesuni për të dhe po aq shumë, kujdesuni edhe për njerëzit brenda saj.

Këshilla të tjera:

- Fillojeni ditën me mendime pozitive.

- Përgatisni mëngjese të shëndetshme.

- Niseni mëngjesin me muzikë të mirë ose një podcast interesant/motivues etj.

- Mbani një ditar ku shkruani pse jeni mirënjohës, synimet tuaja, dëshirat dhe gjithçka tjetër.

Burimi: Bright Side

MOS I HUMBISNI