Kënga “Hurricane” e albumit më të fundit të Kanye West, “Donda” flet për një tradhti.

Referuar tekstit, bëhet fjalë për periudhën kur ata ishin prindër të dy fëmijëve, North dhe Saint. "Kënga është në një farë mënyre dëshmia e tij për gjithçka që bëri gabim dhe marrja e përgjegjësisë për prishjen e martesës së tyre," tha një burim i brendshëm për Page Six.

Në "Hurricane", ai thotë se sillet si i pasur dhe shkon me “një vajzë të re”, një e vërtetë e hidhur, që sipas tij është e vështirë të kalohet kur “jeta lëviz gjithmonë”. Kënga gjithashtu aludon se reperi nuk shkonte kurrë në shtëpi në rezidencën e çiftit dhe se ai ka abuzuar me alkoolin.

Përkundër tradhtisë në dukje të pranuar, thuhet se nuk ishte vetëm ajo që shkatërroi martesën e tyre. Burime pranë tyre zbulojnë për mediat se ndikuan kandidimi i tij për president, tradhtia, alkooli, mosprania në shtëpi.

Megjithatë, pavarësisht divorcit, Kim e ka përkrahur publikisht Kanye-n.

Në episodin e fundit të “Keeping Up With The Kardashians”, Kim foli më shumë për arsyet e ndarjes nga Kanye.

"Natyrisht, unë e di që lumturia e plotë nuk është një realitet, por nëse mund ta kem më shumë në pjesën më të madhe të kohës, kjo është gjithçka që dua të kem. Kudo që më çon, dua thjesht lumturinë time të pastër, kështu që jam duke punuar për të kuptuar se si të arrij atje,” tha ajo.

Gjatë bisedës, Kim u shpreh se u ndje e vetmuar kur Kanye u zhvendos në një fermë në Wyoming ndërsa ajo qëndroi në Kaliforni.

“Unë kurrë nuk kam menduar se jam e vetmuar dhe gjithmonë kam menduar se është krejtësisht në rregull, unë mund të kem fëmijët e mi, burri im lëviz nga njëri shtet në shtetin tjetër dhe unë jam në udhëtim me të dhe jam ok [...] Pasi mbusha 40 vjeç këtë vit e kuptova, jo, nuk dua një burrë që jeton në një shtet tjetër nga unë. Është e trishtueshme për mua dhe kjo nuk është ajo çfarë dua. Dua dikë që të kemi të njëjtat gjëra të përbashkëta, dua dikë që të dëshirojë të punojë me mua.”