Instituti Kombëtar për Sëmundjet ngjitëse në Afrikën e Jugut paralajmëroi të hënën për "prejardhjen C.1.2", duke thënë se ishte zbuluar në të gjitha provincat në vend, por me një normë relativisht të ulët.
C.1.2 u zbulua për herë të parë në maj, tha Instituti, por Delta është ende varianti dominues që po përhapet në Afrikën e Jugut dhe në botë.
A e ka listuar Organizata Botërore e Shëndetësisë si një variant shqetësues? Ende jo. Deri më tani, virusi nuk ka përmbushur kriteret e OBSH-së për t'u kualifikuar si një "variant shqetësues" ose "variant me interes".
Variantet shqetësuese, të tilla si Delta, janë ato që tregojnë transmetueshmëri të shtuar, virulencë ose ndryshim te sëmundjet klinike dhe një ulje të efektivitetit të masave të shëndetit publik dhe social.
Variantet me interes janë ato që tregojnë se shkaktojnë transmetimin e sëmundjes në grupe të shumta dhe janë zbuluar në vende të shumta, por ende nuk janë vërtetuar se janë më të transmetueshme.
Pse u dha alarmi për C.1.2? Një virologe dhe pedagoge në imunologji dhe sëmundje infektive me Shkollën Klinike Qendrore të Universitetit të Sidneit, Dr. Megan Steain, tha për Guardian se është për shkak të mutacioneve të veçanta që përmban C.1.2.
"Ai përmban mjaft mutacione kryesore që ne shohim në variante të tjera. Sa herë që shohim që shfaqen ato mutacione të veçanta, ne duhet ta shqyrtojmë. Këto mutacione mund të ndikojnë në gjëra të tilla si nëse i shmanget përgjigjes imune, ose transmetohet më shpejt.”
A ka mundësi që ky variant të zhduket? Po. Variantet e Covid-19 shfaqen gjatë gjithë kohës dhe shumë prej tyre zhduken.
- ‘Ka një tendencë përkeqësimi’: Komiteti i Ekspertëve prezanton masat e reja anti-Covid
- Cilat janë moshat më me rrezik për t'u infektuar me Covid për momentin?
- A e rrit varianti Delta rrezikun për t’u shtruar në spital dhe nevojën për kujdes mjekësor urgjent?
- Ftohje vere apo Covid? Ja çfarë duan mjekët të dini për të dy viruset
