Ndarja s'është këshilla e parë që duhet të jepet pas një zënke, debati, apo hatërmbetjeje në çift. Ajo është rruga më e thjeshtë dhe e sigurt, por jo më e mira. Që një lidhje të jetë e shëndetshme kërkon punë, përpjekje, tolerancë dhe komunikimin. Sigurisht ka raste kur ndarja është vendimi më i mirë, si përshembull në situatat më poshtë. Nëse ndodheni në këtë pikë e mira është t'i jepni fund.

Nuk ka kompromis

Një pjesë shumë e rëndësishme e mërrëdhënies është kompromisi. Ju duhet të bëni ndonjë sakrificë për partnerin, por edhe ai duhet të bëjë të njejtën gjë. Nëse partneri pret që t’i plotësoni të gjitha kërkesat, por ai nuk plotëson asnjë nga tuajat, kjo do të thotë se ai mendon më tepër për veten.

Ju marrin per të mirëqënë

Periudha e ‘’muajit te mjaltit’’ mbaron shumë shpejt, por kur ata e marrin te mirëqënë që ju jeni aty dhe vetëkënaqen me këtë fakt, ju duhet ta mbyllni marrëdhënien. Humbja e higjenes personale ose e sjelljeve të mira, tregojnë që nuk ju shohin më si njerëz specialë. Këtu ju duhet të merrni situaten nën kontroll.

Nuk janë të pjekur

Gjatë gjithë kohës duan të shohin televizor dhe të luajnë lojra në kompjuter. Akoma më keq nëse vazhdojnë të jenë në statusin e djalit të mamit apo princesha e babit.

Mërzitja është kronike

Kjo është e rëndësishme. Nëse ziheni gjithmonë e më shpesh, atëherë marrëdhënia juaj është drejt fundit. Gjërat e vogla të pakëndëshme fillojnë të dominojnë mendimet tuaja dhe pak nga pak fillon të humbasë respekti.

Nuk duan të përkushtohen

Nëse ju dëshironi të martoheni, por partneri këmbëngul se jeni mirë kështu si jeni, atëherë jeni duke lëvizur në dy drejtime të kundërta. Ndoshta është koha për të gjetur dikë, me të cilin ndani të njejtat vlera.

Nuk i përkushtohen më marrëdhënieve intime

Nëse po bëni më pak ose fare seks, atëherë jeni në një marrëdhënie jo funksionale. Mungesa e intimitetit mund t’ju bëjë të ndiheni jo tërheqëse. Komunikimi është çelësi për të kuptuar nëse është problem shëndetësor apo nëse duhet të filloni të kërkoni për një partner, që ju plotëson edhe fizikisht.

Janë kontrollues dhe posesivë

Nëse partneri ju dikton vazhdimisht çfarë të vishni e çfarë jo apo ju pengon të takoni miqtë, është koha të tërhiqeni. Një jetë e lumtur nuk do të thotë që duhet të bëni gjithmonë ashtu si dëshironi, por nëse kontrolli përshkallëzohet në mënyrë të rrezikshme, largohuni me shpejtësi.

Nuk i besoni (ose e kundërta)

Besimi është thelbësor në një marrëdhënie të lumtur. Nëse besoni se partneri po ju tradhëton ose e gjeni veten duke kontrolluar telefonin e tij, ndoshta është koha e duhur për të rivlerësuar situatën.

Ju përfshijnë në shoqëri të gabuar

Nëse mendoni se partneri ju përfshin në shoqëri të gabuar ose nëse është i varur nga substance të ndryshme, pyeteni veten si mbërritët në këtë situatë. A do të lidheshit me këtë person, nëse do të ndiheshit më me këmbë në tokë, më e lumtur, më e fortë?

Është vetëm lidhje fizike

Partneri mund t’ju bëjë të ndiheni shkëlqyer gjatë seksit, por nëse ai nuk ju prezanton me familjen dhe miqtë (ose e anasjellta), atëherë marrëdhënia juaj nuk i ka bazat e forta. Është koha për të kërkuar diçka më me shumë kuptim diku tjetër.

Burimi: Bustle