Met Gala, i njohur si një nga eventet më interesante dhe të rëndësishme në botë, papritmas po kritikohet për listën e të ftuarve të saj këtë vit. Eventi shpesh quhet si "nata e madhe e modës", duke mirëpritur yje të profilit të lartë nga bota e argëtimit dhe dizajnit. Ndërsa ngjarjet e modës janë reduktuar vitin e kaluar për shkak të pandemisë, Met Gala pritet të bëjë një kthim madhështor.

Sidoqoftë, njerëzit po i shqetëson diçka: "Influencers". Së fundmi, ka patur kritika për të ftuarit e pranishëm, ku mes tyre ka shumë influencues rrjetesh sociale.

Për New York Post, një agjent i famshëm tha se nuk është i kënaqur me pjesëmarrësit e këtij viti. 

Një publicist tjetër u shpreh:

"Personalisht, mendoj se Met Gala nuk e ka më shkëlqimin e dikurshëm. Është shndërruar nga një event super prestigjioz në një vend plot me influencues".

Kritikat, duken disi më të arsyeshme kur mëson se kryeredaktorja e Vogue, Anna Wintour duhej të zvogëlonte listën e të ftuarve nga 600 në 450 për shkak të pandemisë. 

Raportohet se do të marrë pjesë edhe Addison Rae, një yll 20-vjeçar i TikTok me më shumë se 82 milionë ndjekës, si dhe YouTuber, Emma Chamberlain, e cila ka më shumë se 10 milionë abonues të platformë - Përsëri, lajme të shoqëruara nga kritika të shumta online.

Ndërsa përfaqësuesit e Vogue nuk kanë komentuar ankesat, burimet thonë se tashmë, talentet e reja po marrin përparësi, prandaj edhe të ftuarit janë pikë risht të këtij lloji.

Burimi: Unilad