“Dafinë Moj” titullohet albumi i Dafina Zeqirit, data e publikimit të të cilit nuk dihet ende. Megjithatë, përmes disa postimeve në rrjete sociale, këngëtarja ka zbuluar disa detaje.

1 – Kopertina

2 – Të tjera foto

3 – Këngët dhe bashkëpunimet

“Dafinë moj” është kënga në bashkëpunim me të ëmën, Melihate Zeqiri. E ëma e Dafinës merrej me muzikë në vitet ’80, por më pas e ndërpreu karrierën. Në një intervistë për NIN” në qershor 2020, Dafina zbuloi se bëhet fjalë për një këngë të vjetër, e cila do të vijë e përpunuar.

“Është një këngë të cilën nëna ime e ka pasur shumë përzemër, që e ka emocionuar nënën time shumë në kohën kur ishim të vegjël, por edhe njëkohësisht e ka shtyrë përpara, se kemi kaluar shumë gjëra. Vendosa që [te] ky album, [duke qenë se] është personal, jo vetëm t’ia lë emrin ‘Dafinë moj’, por do të jetë edhe mami im pjesë e albumit”.

Përpos këngës me të ëmën, albumi përmban të tjera bashkëpunime me emra të njohur të muzikës si MC Kresha, Tuna, Argjentina Ramosaj, Buta, Lumi B, Ron, Elinel, Lyrical Son dhe DJ Geek.