Menjëherë pas alarmit të dhënë nga Bashkimi Europian edhe në vend ka nisur tërheqja nga tregu e disa markave të akulloreve të paketuara. Pas vërtetimit se në disa lloje kishte përmbajtje kancerogjene, është ndaluar menjëherë shpërndarja e tyre në marketet e vendit. 

Në shumë marka të njohura që merren me tregtimin e akulloreve dhe çokollatave është konstatuar prania e oksid etileni, substancë kancerogjene dhe shumë e rrezikshme për shëndetin e njeriut. 

Shënim: Një nga aplikimet kryesore të oksidit të etilenit është si lëndë e parë në prodhimin e përbërësve antifriz për radiatorët e automjeteve. Derivatet e tij përdoren si përbërës në pastrues industriale ose shtëpiake, produkte kozmetike dhe shampo, plastifikues, përgatitje farmaceutike ose vajra.

Eshtë gjithashtu një dezinfektues i përdorur gjerësisht, përshembull në sterilizimin e pajisjeve mjekësore dhe dentare, pasi është i aftë të shkatërrojë viruset, bakteret, kërpudhat dhe sporet, veçanërisht në kushte të thata.

Sipas AKU, këto produkte kanë hyrë në Shqipëri në periudhën mars-maj 2021, para se BE të jepte alarmin, ndërsa tashmë ka nisur mbledhja e tyre nga marketet në të gjithë vendin. Pas tërheqjes dhe mbledhjes së tyre, pritet që sasia e akullores të asgjesohet. 

Deri më tani bëhet me dije se janë rreth 36 ton akullore me përmbajtje kancerogjene që duhen bllokuar në mënyrë urgjente, duke qenë se akulloret janë një ndër produktet më të kërkuara gjatë këtij sezoni, sidomos nga fëmijët. 

Burimi: Abc Neës