Një mori njerëzish kujdesen për pamjen e Bella Hadid nëpër evente glamoroze, por ja që jo gjithmonë çdo gjë shkon në mënyrën më të mirë të mundshme – ndodh që edhe Bella të pendohet për zgjedhjet.
Për Vogue, modelja 24-vjeçare diskutoi disa nga veshjet e saj më të përfolura, përfshirë fustanin e kuq të Festivalit të Filmit në Kanë 2016.
“Unë ende jam në siklet për këtë moment. Edhe pse veshja ishte e mrekullueshme, thjesht nuk duket si unë,” tha ajo.
Fustani Alexandre Vauthier Couture ishte i çarë deri te beli, zbulonte këmbët kilometrike të Bella-s, dekolteja ishte e theksuar, ndërsa shpina e zbuluar.
“Isha pak nervoze për këtë veshje. Dukem shumë seksuale dhe isha nervoze për kamerat dhe për grimin, nervoze për çarjen,” shtoi ajo.
Fatmirësisht, nuk ndodhi ndonjë incident me veshjen. Apo ndodhi?!
“Ajo ishte alter-egoja ime. Kjo është Belinda. Unë jam krejt e kundërta e saj,” bëri shaka Bella.
