Aktiviteti njerëzor po ndryshon klimën e Tokës në mënyrë të pashembullt në mijëra ose qindra mijëra vjet, që do të thotë se nëse nuk merren masat që ekspertët e klimës sugjerojnë, shumë vende janë në rrezik.
Nga përmbytjet: Maldivet
Një studim parashikon që shumë ishuj të ulët mund të jenë të pabanueshëm deri në vitin 2050 nëse nuk bëhen ndryshime serioze për të ngadalësuar rritjen e nivelit të detit, ku përmenden vende si Haiti, Fiji dhe Filipinet. Sidoqoftë, nuk ka asnjë arkipelag më të rrezikuar në botë për momentin sesa Maldivet. Shumica e ishujve qëndrojnë shumë pak centimetra mbi nivelin e detit.
Nga mbinxehja: Emiratet e Bashkuara Arabe
Temperaturat mesatare të verës në klimën e shkretëtirës dihet që arrijnë deri në 50°C. Ekspertët në Institutin e Teknologjisë në Massachusetts (MIT) besojnë se temperaturat rekord aktuale të vendit do të bëhen të zakonshme deri në vitin 2070. Kjo do të thotë që situata pritet të përkeqësohet me kalimin e kohës deri në pikën ku do të jetë e pamundur që edhe individët më të përshtatur me nxehtësinë të mbijetojnë duke jetuar atje.
Nga dukuritë ekstreme të motit: Japonia
Japonia është aktualisht vendi më i rrezikuar për vdekjet ekstreme të motit, pasi shumë rrethana ekstreme kanë ndodhur në një periudhë të shkurtër kohore, sipas një studimi të Instituti Germanwatch. Gjatë vitit 2018, Japonia pësoi tajfune, valë të të nxehtit, rrëshqitje të dheut dhe përmbytje të shpejta që ishin përgjegjëse për 1,282 vdekje. Gjetjet e Germanwatch pohojnë se nëse këto ngjarje ndodhin në një frekuencë më të madhe, ose në shkallë më të madhe, Japonia nuk do të jetë më një vend i sigurt për të jetuar.
Nga thatësira bujqësore: Sudani
Pjesa më e madhe e kontinentit afrikan mbështetet në bujqësi. Mbi 80% e popullsisë së vendit jeton në zonat rurale që varen shumë nga bujqësia dhe blegtoria. Sudani ka një nga popullsitë më të mëdha blegtorale në kontinent të përbërë nga bagëti, dele, dhi dhe deve. Çdo përçarje e këtij ekosistemi do të ishte shkatërruese për popullsinë e Sudanit.
Lexoni edhe:
Burimet: Nature Communications, Paneli Ndërqeveritar i Kombeve të Bashkuara mbi Ndryshimet Klimatike, Euronews