Samantha Ramsdell e dinte prej kohësh që kishte një gojë të madhe, por “fëmijët e TikTok” e bënë që të mendonte se mund të thyente një rekord Guinness. Pasi i vunë në dukje se kishte një gojë me madhësi për rekord, ajo u interesua dhe kaq u desh.

Rekordet Botërore Guinness konfirmuan se Samantha Ramsdell nga Connecticut, është mbajtëse e rekordit për gojën më të madhe në botë për një femër.

Goja e saj e hapur është 6.56 centimetra dhe shkon deri në 10 centimetra. "Asnjëherë nuk kam menduar se do të ishte e mundur të isha kaq e famshme nga goja ime," tha ajo për CNN.

Megjithatë, nuk ka qenë gjithmonë e lehtë. Ramsdell tha se ajo ishte bullizuar për madhësinë e gojës. Tani në moshën 31-vjeçare, ajo e ka përqafuar tiparin unik dhe numëron 1.7 milion ndjekës në TikTok.

“Kjo është superfuqia jote. Është gjëja që na bën unikë dhe të veçantë. Të gjithë duhet të gëzohen për çfarë i bën ata të ndryshëm.”

Samantha shpreson që një ditë të ketë shfaqjen e saj, duke përdorur humorin, zgjuarsinë dhe këngën.