10 vite më parë, Princess Chelsea, emri i vërtetë i së cilës është Chelsea Nikkel, sot 35 vjeç dhe Jonathan Bree, 41 vjeç - publikuan këngën "The Cigarette Duet".
Dy muzikantëve nga Zelanda e Re, ndoshta atëherë nuk do t'ua kishte marrë mendja që kënga do të bëhej virale në TikTok dhe që një gjeneratë e tërë do fiksohej me të një dekadë më vonë.
"Dueti i Cigares", nuk ngjason me asnjë këngë që keni dëgjuar. Klipi është po ashtu diçka krejt ndryshe dhe të gjithë këto elementë të veçantë e bëjnë këngën unike dhe mesa duket, të pavdekshme.
"Kjo është një kryevepër", "Më vjen keq që e zbulova këtë këngë kaq vonë", "Fushata më e mirë anti-cigare që kam parë ndonjëherë", "Më pëlqen fakti që TikTok bën këngë të nënvlerësuara virale" - janë vetëm disa nga komentet e njerëzve kohët e fundit në YouTube.
Sot, njerëzit mund të jenë fiksuar me këngën për shumë arsye, por gjatë kohës së publikimit, videoja u popullarizua fillimisht për shkak të videoklipit. Bree e quan "video anti-muzikore". Në një intervistë, Chelsea tha se klipi u përsërit rreth 70 herë përpara se të ishte perfekte.
Disa nga videot e TikTok:
