Celebrity

Halsey bëhet nënë: Këngëtarja zbulon emrin e bebit

Shkruar nga Anabel

19 Korrik 2021

Halsey bëhet nënë: Këngëtarja zbulon emrin e bebit

Halsey dhe i dashuri i saj, Alev Aydin, janë bërë prindër.

Përmes një fotoje të postuar në Instagram, Halsey zbuloi se fëmija i tyre ka ardhur në jetë më 14 korrik.

“Mirënjohje. Për lindjen më ‘të rrallë’ dhe euforike. Mundësuar nga dashuria. Ender Ridley Aydin. 7/14/2021,” shkruan këngëtarja.

 
 
 
 
 
View this post on Instagram
 
 
 
 
 
 
 
 
 
 
 

A post shared by halsey (@iamhalsey)

Ajo nuk e zbuloi gjininë e bebit, ndonëse nisur nga emri, mund të jetë djalë. Emri Ender është një emër për djemtë tepër i popullarizuar në Turqi dhe ka kuptimin “shumë e rrallë”.

Halsey dhe Alev, ky i fundit me profesion aktor dhe producent, thuhet se janë miq prej shumë vitesh dhe në një lidhje prej pak kohësh.

Halsey bëhet nënë: Këngëtarja zbulon emrin e bebit

Ndonëse shtatzënia e Halsey-t ishte një surprizë për fansat, në fakt jo për të. Në mars, ajo tha se “ishte përpjekur shumë për këtë foshnjë”.

Lajmi i shtatzënisë edhe pesë vjet pasi ajo rrëfeu publikisht historinë e dhimbshme të abortit spontan. Në një intervistë pa dorashka për Rolling Stone, Halsey rrëfeu çastin që i ndryshoi krejtësisht jetën.

Pak muaj përpara se të publikonte albumin e parë, “Badlands”, kuptoi se ishte shtatzanë. Shumë mendime, dilema, e pushtuan mendjen e saj të papërgatitur. Ishte 19 vjeç, sapo kishte nisur karrierën muzikore, e trembur nga mendimi i të tjerëve:

"Po tani, çfarë do të ndodhë? Do ta humbas albumin? Do t’i humbas të gjitha? Apo duhet ta mbaj? Çfarë do të mendojnë njerëzit? Po nënat? Çfarë do të mendojnë të gjithë?"

Por mes gjithë këtyre, një mëngjes u zgjua në dhomën e hotelit, me krevatin e mbushur me gjak. Ajo tregoi se filloi të bërtiste nga frika. Pas pak orësh, do të duhej të performonte në një koncert.

"U thashë: ‘Duhet ta anuloj këtë koncert’, por të gjithë më thanë: ‘Është Vevo Lift, 3 milionë njerëz...’. Askush nuk po dinte çfarë të bënim." Ajo dërgoi asistentin e saj për të blerë pelena për të rritur. I vuri, piu dy kokrra dhe u ngjit në skenë.

“Është performanca më me mllef që kam bërë gjatë gjithë jetë. Ishte momenti kur mendova me vete ‘Nuk ndihem më si një qenie njerëzore...kjo muzikë, ky vend, çfarëdo të jem duke bërë...Dola nga skena dhe shkova në parking, ku thjesht fillova të villja...”

Edhe pse atë natë ajo zgjodhi të ngjitej në skenë, Halsey mësoi se dëshira e saj e vërtetë në jetë nuk ishte të ndiqte karrierën: “Dua të jem një nënë, më shumë sesa të jem një yll muzike. Më shumë se çdo gjë tjetër në këtë botë.”

MOS I HUMBISNI