Një shtëpi në Zelandën e Re, me tre dhoma gjumi pothuajse të shkatërruara, pa banjë dhe mure që mungojnë, u shit në një ankand për 2 milionë dollarë.
Shtëpia njëkatëshe është ndërtuar në vitin 1920 dhe gjendet në një rrethinë të pasur, Gray Lynn në Auckland. Çmimi fillestar ishte 1.75 milion dollarë, ndërsa çmimi i shitjes $2.075 milionë. Shtëpia kërkon përmirësime me vlerë prej $200,000.
Agjencia që organizoi ankandin, Barfoot & Thompson, e përshkroi shtëpinë si një kanavacë bosh që ka nevojë për vëmendje urgjente.
"Njerëzit që unë do t'i quaja blerës tradicionalë me pakicë në vitet e mëparshme do të blinin një pronë për t'u zhvendosur menjëherë, ndërsa tani po blejnë prona të cilat mund t’i rregullojnë dhe më pas të zhvendosen. Sigurisht që ka më shumë njerëz të tillë.” – tha Barfoot & Thompson.
Zelanda e Re është një nga vendet me tregun më të papërballueshëm të pronave. Të dhënat më të fundit e vendosin çmimin mesatar të shtëpisë 943,000 dollarë - një rritje prej 22% nga qershori i vitit të kaluar. Tregu i Auckland ka çmime mesatare 1.5 milion dollarë. Kjo krizë e blerjes së pronave është rezultat i viteve të fitimit të kapitalit pa taksa.
Burimet: Stuff, Guardian
