Dëgjoni, një partner që gatuan është bekim dhe mallkim. Nga njëra anë, ke gjithmonë për të ngrënë në shtëpi, gjithmonë pjata të shijshme e ndoshta të reja. Nga ana tjetër, ke gjithmonë shumë për të ngrënë në shtëpi dhe janë aq të shijshme, sa humbet kontrollin. Ata që e dinë, e dinë. Eduarti vuan të njëjtin fat në duart e Arbanës

Eduart Grishaj, pas dedikimit të ëmbël që i bëri Arbanës në premierën e “Gjyshja,” shtoi se ajo është “opozitarja dhe kritikuesja e tij më e madhe,” gjatë një interviste në “Ftesë në pesë.” Ata e mbështesin njëri-tjetrin në çdo gjë dhe vërtet, nuk mund ta mbështesësh dikë sinqerisht pa e kritikuar aty ku është nevoja.

“Unë jam një mbështetje shumë e madhe saja te projekti me gatimet që uroj t’i mbarojë sa më shpejt se mos marrim disa kile të tepërta që nuk di kur do i heq,” tha Grishaj. “Fotot ia kam lënë Jonit që unë të mos merrem më me ushqimet e Arbanës se janë aq të mira, sa janë të parezistueshme.”

Disa nga fotot në librin që botohet muajin që vjen i ka realizuar vetë Grishaj, prandaj ia ka lënë Jonit si detyrë.

Tani mendojeni vetë. Vjen në darkë në shtëpi dhe gjen këtë:

Dhe këtë:

Dhe këtë:

Nuk do i hash të gjitha atë darkë dhe të shqetësohesh për shëndetin dhe peshën të nesërmen? Sigurisht që po. Të ndjejmë Eduart.