Social Buzz

Shqiptarët tregojnë fjalët shqip që ngatërrojnë më shpesh/ thonë me vështirësi: Po ju, si i thoni?

Shkruar nga Anabel

30 Qershor 2021

Shqiptarët tregojnë fjalët shqip që ngatërrojnë

Margo, vajza pas Instagramit të Anabel Media, pyeti ndjekësit nëse "ka ndonjë fjalë në shqip që nuk e shqiptojnë dot, e thonë me vështirësi ose e ngatërrojnë shpesh". 

Përgjigjet ishin të shumta dhe disa prej tyre, edhe njësoj. Ja cilat na qenkërkan fjalët më të vështira sipas jush:

"Ngatërrohem me fjalën/nuk them dot fjalën...."

#1 - Thashethemaxhinj.

#2 - Teknikum - e them gabim "tetnikum".

#3 - Çekosllovaki.

#4 - Im shoq nuk thotë "hidraulik".

#5 - Masazhatorja.

#6 - "Shtatë" ose "shtatëmbëdhjetë", mezi i shqiptoj.

#7 - Nuk them dot fjalët që kanë shkronjën 'R' brenda.

#8 - Nuk shqiptoj dot 'gj','zh','ll'.

#9 - Dasmë, e them "dasëm".

#10 - Flirtim/ Filtrim.

#11 - Arkivol/ Akrivol.

#12 - Infarkt.

#13 - Kardiokirurgji.

#14 - Fjalës "plakë", i them "pllakë".

#15 - Stazhiste me shtaziste.

#16 - Shefqet/ Shefshqet.

#17 - Dhallë/ Llallë.

#18 - Fjala "frigorifer" më del gjithmonë "figorifer" (e përsëritur disa herë).

#19 - Veterineri - në trurin tim është gjithë kohës "veterireri".

#20 - Ventilatori, makina llogaritëse, pelegrinazh - Nuk i shqiptoj dot, a thua se jam tapë.

#21 - Niseshte.

#22 - Identiteti (e përsëritur disa herë).

#23 - Fjalën "valixhe" më vjen ta them "lavatriçe" dhe anasjelltas. S'e di pse.

#24 - Popullariteti, popullim.

#25 - Shitëses - shitësesh, shitëshesh.

#26 - Arbitër.

#27 - "Portokall" e them "portokadh", nuk shqiptoj dot shkronjën 'Ll'.

#28 - Rikonstruksion. As tani s'jam e sigurt a e shkrova mirë.

#29 - I/e suksesshme.

#30 - Çdo fjalë që ka ç/q dhe gj/xh.

#31 - Ngatërroj në përdorim: 'konfidencë' dhe 'koiçidencë' (Të dyja fjalët janë të huazuara. Fjalët përkatëse në shqip do të ishin: Vetëbesim/besim dhe rastësi).

#32 - Perfekt me prefekt.

#33 - Kolaudim/Koalidim.

#34 - Pediatri (e përsëritur disa herë).

#35 - Skulpturë/ Sklupturë.

#36 - Infrastrukturë/ Infrasturkturë.

#37 - Kërpudha/ Kërpudhra.

#38 - "Luaj rolin" e them "Ruaj lorin".

#39 - Kur them fjalën "mund", e them ngadalë dhe mendohem se ndonjëherë më duket sikur tjetri e dëgjon "m*t".

#40 - Siç shihet.

#41 - Shpretkë.

#42 - Otorinolaringolog.

#43 - Kaçavidë/ Çakavidë.

#44 - Acidi hialuronik (dhe tani e kërkova diku, që ta shkruaja saktë).

#45 - Bangladesh/ Bangdalesh.

#46 - Fjalën "ngatërrohem", e them "ngatarrohem", por e shkruaj saktë.

#47 - Afrodiziak.

#48 - Nuk them "Laç", por "Laq".

Copyright Anabel.al / Ndalohet ribotimi pa lejen e redaksisë.

MOS I HUMBISNI