Të pasmet tuaja janë në rregull, në çfarëdo forme qofshin ato. Janë pjesë e asaj që e bën trupin tuaj unik – ashtu si gjinjtë dhe çdo pjesë tjetër e trupit, nuk ka dy forma njësoj.
Gjithashtu duhet të dini që nuk ka të pasme “mesatare” ose “tipike”, megjithëse kirurgët plasitikë mund të kategorizojnë disa forma.
"Format kryesore të vitheve që shoh janë katrore, të rrumbullakëta, në formën e zemrës dhe forma V," tha për Healthline Dr. Olga Bachilo, një kirurge plastike në Teksas, e cila ka kryer ngritje vithesh, implantime dhe përmirësime të vitheve
Ashtu si kategorizimi i llojit të trupit, kategorizimi i llojeve të të pasmeve nuk është një shkencë ekzakte. Këto kategori përcaktohen nga raportet e përgjithshme midis belit, ijeve dhe kofshëve.
Këto janë kategoritë më të përgjithshme:
1 – Katrore ose forma H
2 – Forma V
3 – Forma A ose forma si zemër
4 – Të rrumbullakëta ose forma O
A mund të ndryshojë forma e të pasmeve me kalimin e kohës?
Po, për shkak të ndryshimeve që pësojnë njerëzit me rritjen në moshë. Raste të tjera, si puberteti apo shtatzënitë, ndikojnë në grumbullimin e yndyrës në vidhe dhe ije.
Së pari, duhet të dini se nuk ka diçka që nuk shkon. Sidoqoftë, nëse doni ta ndryshoni, ushtrimet, dieta dhe kirurgjia plastike janë disa opsione.
Ushtrimet që punojnë me muskujt e vitheve mund të ndikojnë që të keni të pasme më të rrumbullakosura. Përpos ushtrimeve, kirurgjia plastike – përmes teknikave si Brazilian Butt Lift, CoolSculpting etj – mund të ndryshojë formën e tyre.
Megjithatë duhet theksuar se ushtrimet, humbja ose marrja e peshës, madje dhe operacionet, nuk mund ta ndryshojnë strukturën e përgjithshme të kockave dhe mënyrën se si trupi ruan yndyrën.
Burimet: Healthline, Women’s Health
