Receta te Shendetshme

Ushqimi i shëndetshëm nuk ka pse të jetë i shtrenjtë: 8 rregulla për të ulur kostot

Shkruar nga Anabel

24 Qershor 2021

Ushqimi i shëndetshëm nuk ka pse të jetë i shtrenjtë: 8

Shumë njerëz besojnë se duhet të shpenzoni shumë para për të ngrënë shëndetshëm. Sidoqoftë, nuk duhet të jetë kështu.

Të ushqeheni shëndetshëm në të vërtetë mund t’ju kursejë para në planin afatgjatë, veçanërisht nëse i përmbaheni disa parimeve kryesore kur bëni pazarin apo zgjidhni dhe përgatisni ushqimin vetë. Ja disa mënyra si të reduktoni kostot.

1. Prodhimet sezonale: Frutat dhe perimet e stinës shpesh janë më të freskëta dhe më të përballueshme sesa ushqimet që prodhohen jashtë sezonit.

2. Praktikoni planifikimin e vaktit: Planifikimi i vakteve paraprakisht është një mënyrë e zgjuar për të kursyer kohë dhe para. Provoni të krijoni një plan javor për vaktet, duke hartuar një listë pazari dhe të caktoni një kohë specifike për të përgatitur vaktet për javën e ardhshme.

3. Gatuani në shtëpi: Gatimi i ushqimit në shtëpi është një nga mënyrat më të lehta dhe më efektive për të ngrënë shëndetshëm me një buxhet më të ulët. Në fakt, një vakt i vetëm në restorant zakonisht kushton shumë më tepër sesa blerja e përbërësve që ju nevojiten për të përgatitur ushqimin në shtëpi.

4. Hani më shumë proteina me bazë bimore: Proteinat me bazë bimore si fasulet, thjerrëzat, qiqrat janë shpesh shumë më të lira se proteinat shtazore si mishi, peshku dhe shpendët. Plus, këto ushqime janë të pasura me proteina, fibra dhe një larmi vitaminash dhe mineralesh të tjera thelbësore. Ato janë të lehta për t'u përfshirë në receta.

5. Kontrolloni për oferta: Shumica e dyqaneve ushqimore ofrojnë oferta javore dhe zbritje, të cilat zakonisht reklamohen në internet ose shpërndahen. Të kontrolloni nëse ofertat janë në dispozicion për produktet tuaja të preferuara para se të shkoni në pazar është një mënyrë e shkëlqyeshme për të kursyer para.

6. Blini fruta dhe perime të ngrira: Nëse e keni të vështirë të përdorni të gjitha frutat dhe perimet e freskëta para se të prishen, konsideroni disa produkte të ngrira pasi janë një alternativë e shkëlqyeshme.

7. Blini me shumicë: Ju mund të blini ushqime të caktuara me shumicë me një çmim më të ulët, duke e bërë edhe më të lehtë të ushqeheni shëndetshëm me më pak para. Produkte si drithërat, arrat, farat dhe bishtajoret e thata janë ushqime të shkëlqyera për t’u furnizuar dhe për t’u blerë me shumicë.

8. Blini me zgjuarsi: Këtu e kemi fjalën për:

- Shkruajini produktet në listë para se të shkoni t’i blini.
- Blini kur jeni të ngopur me ushqim.

MOS I HUMBISNI