Pasi u mbyllën kryesisht brenda për më shumë se një vit, natyrshëm të gjithë e kanë pritur me padurim periudhën pas pandemisë. Edhe pse ajo kohë nuk ka ardhur ende plotësisht, gjendja në shumë vende të botës është përmirësuar dukshëm dhe të gjithë i kanë sytë nga veshjet që do sjellë kjo kohë dhe viti në vazhdim! 

Kjo do të thotë që njerëzit, veçanërisht gjenerata Z*, është gati të eksperimentojë me çdo lloj veshjeje, dizajni, materiali dhe ngjyre të mundshme. Ja si po planifikojnë të vishen disa prej tyre.

*Gjenerata Z i përket grupmoshave 6-24 vjeç. Sigurisht, këtu do flitet për të rriturit e kësaj gjenerate.

- Eksperimente

Një 19-vjeçar flet për Elite Daily dhe thotë:

"Gjatë gjithë adoleshencës kam patur veshje bazike, ngjyra të errëta, blu apo e zezë, por dalja në botën e vërtetë pas kaq kohe më bëri të dua t'i përdor më shumë gjithë opsionet që më ofron moda. Premtoj të mos vishem më mërzitshëm!"

- Dalja jashtë "zonës së rehatisë"

Sara, 21 vjeç, shkruan:

"Për momentin jam në një fazë 'Serena e Gossip Girl, dhe pak Blair'. Dua që ta bëj veshjen mundësinë time për t'u shprehur dhe pse jo, për të rënë pak në sy. Më pëlqejnë veshjet njëngjyrëshe, por dhe kombinimet pak më të guximshme. Diçka është e sigurt: Tani e në vazhdim, do dal nga zona ime e rehatisë!"

- Të provuarit e gjërave të reja

"Mezi e kam pritur këtë moment, teksa qëndroja me ditë të tëra në shtëpi pa patur mundësi të nuhas dhe shijoj ushqime për 2 javë të plota. Jam gati të dal dhe të provoj gjëra të reja dhe po, këtu përfshij dhe modën. Tani më shumë se kurrë, dua të vesh gjithë rrobat për të cilat më parë nuk isha e sigurt ose mendoja se s'isha mjaftueshëm e mirë për t'i veshur. Thjesht, bëni ç'të doni!"

- Zona e rehatisë

Klein, 24 thotë:

"Sigurisht, është super mirë të eksperimentosh me rrobat, por nuk do e harroj kurrë dashurinë time të karantinës: Rrobat e rehatshme. Patjetër që do t'u jap më shumë stil, por dhe tutat, rrobat e gjera do vazhdojnë të jenë me mua".