Gjatë ndeshjeve të Euro 2020 (Kampionati Europian që duhej të ishte organizuar në vitin e kaluar, por u shty për shkak të pandemisë) disa skuadra po ulen në gjunjë, ndërsa disa të tjera jo.
Qëllimi pas këtij gjesti lidhet me racizmin. Për herë të parë, një veprim i tillë u popullarizua pesë vite më parë, kur ylli i futbollit amerikan, Colin Kaepernick, nisi të gjunjëzohej për të nxjerrë në pah racizmin.
Veprimi i tij u përhap edhe në Europë, sidomos pas vrasjes së George Floyd në Minneapolis.
Disa skuadra kanë zgjedhur të vazhdojnë trendin, ndërsa disa të tjera jo. Skocia, për shembull, ka refuzuar të ulet në gjunjë. Ekipi i futbollit dënon ashpër racizmin, por thekson se “ulja në gjunjë nuk do të sjellë ndonjë ndryshim”. “Veprime kuptimplota janë të nevojshme që të ndodhin ndryshime domethënëse,” u shpreh kapiteni i skuadrës, Andy Robertson.
Ndërkohë UEFA ka thënë se i mbështet lojtarët.
"UEFA ka një tolerancë zero ndaj racizmit dhe çdo lojtar që dëshiron të kërkojë barazi midis qenieve njerëzore duke u gjunjëzuar do të lejohet ta bëjë këtë," tha një zëdhënës për Euronews. "Ne i nxisim tifozët të tregojnë respekt për ekipet dhe lojtarët që gjunjëzohen.”
