Këngëtarja Barbana Dini, përmes një postimi në Instagram ka njoftuar publikimin e një kënge të re nga Ergi Dini.

"Një këngë e punuar disa vite më parë nga Ergi. E publikojmë pikërisht sot, duke qenë se ishte një material muzikor i përshtathsëm për stinën e verës. Jemi munduar të përshtasim diçka nuk patur mungesë materialesh filmike të tij për ta shoqëruar dhe duke patur parasysh faktin që shumë nga ju e deshët pafund dhe do donit të dëgjonit diçka të re nga AI."

Klipi i këngës përfshin një sërë daljesh të tij në X-Factor, prej të cilit ai doli edhe fitues. 

Ergi Dini, vetëm 22 vjeç asokohe, u nda nga jeta në nëntor të 2016-s si pasojë e një aksidenti me motor, teksa udhëtonte me mikun e tij, Kejdi Halilin. Edhe pse u dërguan me urgjencë në Spitalin e Traumës, dy të rinjtë nuk mundën të mbijetonin.