Fustanet e gjatë, të njohur si “maxi dresses”, përpos faktit që duken këndshëm në trup për çdo gjatësi, janë shumë praktikë dhe lehtësisht të kombinueshëm. Mund t’i vishni me sandale ose me atlete. Duken mirë për vajzat e gjata, po ashtu edhe për ato me trup petite sepse nuk e shkurtojnë siluetën.
Përpos këtyre, janë të freskët sepse shmangin rrezet e diellit në një pjesë të mirë të trupit (gjithmonë nëse nuk është në ngjyrë të zezë). Duket e çuditshme, por po: Sa më shumë t’i mbuloni pjesët e trupit në vere me veshje në materiale të holla dhe të freskëta, aq më pak vapë do të keni.
Në vijim gjeni disa fustane të gjatë që duken yll në përditshmëri, qoftë për në punë, për të pirë diçka të ftohtë, për piknik apo dalje në mbrëmje.
