Duket se ka një rritje të njerëzve që janë skeptikë ndaj ekzistencës së Zotit, sidomos te brezi “millennials” (1984-2002) në krahasim me gjeneratën X (1965-1983), “baby boomers” (1946-1964) dhe gjeneratës “builders” (1927-1945).

Studimi ka në qendër vetëm amerikanët dhe është kryer nga The American Worldview Inventory 2021, një studim mbi filozofinë e jetës te amerikanët e krishterë, megjithatë mund të shërbejë si një mënyrë për të parë qasjen që njerëzit kanë ndaj Zotit anembanë botës.

Vetëm 26% e gjeneratës X dhe 16% e “millennials” besojnë se kur të vdesin, ata do të shkojnë në Parajsë vetëm sepse kanë rrëfyer mëkatet dhe e kanë pranuan Jezusin si shpëtimtarin e tyre.

Studimi gjithashtu zbuloi se në përgjithësi, amerikanët e rinj kanë dukshëm më shumë gjasa se dy gjeneratat e mëparshme që të përqafojnë horoskopët si një udhëzues dhe Karmën si një parim jetësor si edhe të pranojnë evolucionin për krijimin.

Për çështje shpirtërore, amerikanët më të rinj se 55 vjeç kanë më shumë gjasa të mos besojnë në Bibël dhe të besojnë se Zoti nuk është i përfshirë në jetën e njerëzve.

Ç’raport keni ju me Zotin (pa marrë parasysh besimin tuaj fetar)?