Çfarë ndodhi? Rezart Veleshnja u gjend në një studio televizive, ku u komentuan tekstet e konsideruara banale nëpër tekstet e këngëve, mes tyre edhe “këngën e Lulit dhe Çimit në Përputhen 40+”.
Po a nuk është aktor Rezarti? Pse duhet të komentoj Lulin dhe Çimin? Ishte thjesht pjesë e panelit të diskutimit.
Qartë, kuptoj. Vazhdo. Veleshnja përmendi edhe një këngë të krijuar nga aktori Aleks Seitaj.
Edhe? Gjatë diskutimit, nisur nga një parodi +18 ku Aleksi shfaqet si personazhi i Vezires, Rezarti aludon se Aleksi është gay.
Prit, prit. Rezarti i jep vetes të drejtën të aludojë mbi seksualitetin e Aleksit nisur nga një parodi +18?! Parodi ku ai është si personazh dhe jo si vetja. Po a thamë që Rezarti është aktor?! Po, është.
Po a nuk duhet ta dijë dallimin individ-personazh? Nuk di të them.
Nejse, çfarë tha? “Ai me atë këngë mua më tregon që është homoseksual. Absolutisht unë kam shokë gay. I pranoj. Dikur kanë qenë shumë njerëz që nuk i pranonin, nuk i donin dhe ishin 2-3 që i donin. Tashmë janë të gjithë që i pranojnë dhe 2-3 që i shajnë. Tani që morën aprovimin, le të themi në thonjëza, që i pranuan, këta po na tregojnë se çfarë bëjnë brenda llojit dhe seksit të vetë."
View this post on Instagram
Aaa, homoseksualiteti na qenkërka lloj. Mirë, mjaft se lexova mjaftueshëm. Kalo te Aleksi...të lutem. Në një video në Instagram, Aleksi shpjegoi shkurtimisht se për çfarë parodie bëhej fjalë.
Më thuaj. “Ka një shumëllojshmëri humoresh. Është humori familjar, humori për fëmijë, humori për të rritur. Ka njerëz që i shijojnë. Jam dakord që një fëmijë apo një familjar do preferojnë humor familjar. Unë personalisht në Shqipëri nuk kam dashur të bëj humor banal, sepse publiku shqiptar është delikat,” tha ai.
Të pyeta për parodinë. Po prit, se kjo është e rëndësishme. Shpjegon shumë.
Ok, dakord. “Nga ana tjetër, kjo nuk do të thotë që unë si aktor nuk dua të eksperimentoj me lloje të ndryshme humoresh. Humorin për të rritur, unë kam pasur mundësinë që ta marketoj dhe ta shesh jashtë shtetit. Tani, në momentin që mua më ofrohet një mundësi që të shkoj dhe të këndoj katër parodi, diku, me humor për të rritur, dhe të marr 2,000 euro për këto performanca, do isha super idiot nëse nuk do ta bëja. Kështu që është shumë e rëndësishme si ndahen audiencat.”
Aa, po e kuptoj. Pra, Aleksi ka bërë një parodi për të rritur, me synim audiencën e huaj +18 vjeç. Po. Ja çfarë tha tjetër: “A e kam postuar unë këtë në Instagramin tim? Kam një audiencë tepër familjare. A e kam postuar? Jo. E kam postuar te profili i Vezires, ka qenë në anglisht dhe kam shkruar që kënga është 18+. E vetmja gjë që solli vëmendje te ajo parodi, që kishte një audiencë minimale, ishte pikërisht prononcimi i Rez Veleshnjas.”
Po si i ndalon Aleksi njerëzit, pra nën 18 vjeç, të mos e shohin? Përpos faktit që shkruhet +18 vjeç, në YouTube nuk aksesohet nëse nuk ke llogari për mbi moshën 18-vjeçare.
Ah, shumë bukur pra. Ku është problemi këtu? As unë, as Aleksi nuk e kuptojmë këtë hall të madh. “Më vjen gjynah që një aktor paragjykon një tjetër aktor duke dal në konkluzione për seksualitetin, për jetën personale. Unë nuk kam dal si Aleksi atje të këndoj një këngë personale të jetës sime, unë kam qëndruar në petkun e personazhit. Çfarë do të thotë kjo? Që edhe kur Rezi ka dalë dhe ka luajtur personazhe grash dhe ka flirtuar në skenë me aktor të tjerë do të thotë që ka ndonjë gjë në jetën e tij personale? Absolutisht jo! Por mesa duket kur e bëj unë na paskërka,” shprehet Aleksi në një moment.
Mirë e ka thënë. Madje shtoi se e hoqi parodinë sepse vëmendja e audiencës së gabuar shkoi atje dhe ai nuk e do këtë gjë.
Po tjetër? “Më duket absurde kjo gjë. Më duket sikur, ‘hajde mo sulmojmë dikë që të dukemi sikur jemi më të mirët’. Nëse do të tregosh veten tënde si më të mirë, atëherë puno, bëj gjërat e tua, fito lekët e tua dhe nëse të duket e drejtë të sulmosh njerëzit e tjerë kështu nga hiçi nuk di domethënë...dhe për ta mbyllur këtë, mirë që na bëhet moral, por nga kush nga bëhet moral?!” tha më pas.
Nga Rezi pra. Ne të tjerët ishim shumë të lumtur duke parë jetën tonë. “Por ndryshe nga kolegu im unë nuk i përmend të palarat e të tjerëve, sepse kam respekt dhe dinjitet për veten,” përfundoi ai.
Po njerëzit ç’thonë? Unë komentet po t’i lë në vijim.
View this post on Instagram
Komentet për Rezin:
Komentet për Aleksin:
