Sezoni i alergjisë po zgjatet dhe ka më shumë polen në ajër. Ky është një lajm i keq për njerëzit me alergji sezonale dhe situata nuk ka gjasa të përmirësohet derisa klima të ndalojë ngrohjen, thonë ekspertët.
Një studim i fundit zbuloi se sezoni i polenit u rrit me 20 ditë në vit midis vitit 1990 dhe 2018, ndërsa përqendrimet e polenit në Amerikën e Veriut u rritën 21% në të njëjtën periudhë kohore. Poleni në ajër gjithashtu mund të jetë gjithnjë e më i fuqishëm dhe kështu më alergjik, zbuloi studimi.
Ndryshimi i klimës "është nxitësi dominant i ndryshimeve në gjatësinë e sezonit të polenit dhe një kontribues i rëndësishëm në rritjen e përqendrimeve të polenit", shkruan autorët e studimit.
Dr. Anna H. Nowak-Wegrzyn, një alergologe në Spitalin e Fëmijëve Hassenfeld në NYU Langone në New York, tha se ndryshimi i klimës mund të nxisë gjithashtu lloje të reja të polenit kur bimët përshtaten me temperaturat më të larta.
Çfarë mund të bëni
- Të mësoni se nga çfarë polenesh jeni alergjik.
- Të shmangni hapjen e dritareve gjatë sezonit të polenit.
- Të bëni dush pasi keni kaluar shumë kohë në natyrë.
- Të mbani syze dielli dhe kapele.
- Të mbani maskë gjatë sezonit.
- Të nisni mjekimin sipas udhëzimeve të specialistëve.
Burimet: Healthline, WebMD
