Jennifer Lopez thuhet se ditët e vështira pas ndarjes po i kalon me ish-partnerin Ben Affleck. Sipas Page Six, Jenn dhe Affleck janë parë disa herë në shoqërinë e njëri-tjetrit, pavarësisht se paparacët nuk kanë mundur t'i fotografojnë bashkë.

"Rojet e sigurimit e marrin atë dhe e përcjellin sërish kur del nga shtëpia e saj pasi ka kaluar disa orë atje."- shprehen burimet, të cilat shtojnë se aktori është parë më shumë se 3 herë me Lopez që nga koha kur kjo e fundit është rikthyer në Los Angeles.

Thënë kjo, Affleck dhe Lopez jo domosdoshmërisht kanë rindezur romancën. Vijojnë të ruajnë miqësinë, siç kanë bërë që nga koha e ndarjes. Sidoqoftë, tani që edhe Jenny është sërish single, gjërat mund të ndryshojnë nga çasti në çast.

Jennifer Lopez dhe Ben Affleck i dhanë fund fejesës në 2004, pas një marrëdhënie të shumë diskutuar.