Olta Gixhari gjithnjë ka zgjedhur që jetën private ta mbaj shumë private dhe vetëm pas lajmit të shtatzënisë, njerëzit mësuar diçka për partnerin e saj.

Gjatë një interviste të dhënë së fundmi për "Revista Who", aktorja ka ndarë detaje rreth njohjes me babain e vogëlushit dhe historinë e dashurisë.

Olta u shpreh se takimi i parë me të ka qenë krejt rastësor, nga ato takime që s'i mendon gjatë, por diçka ndodh rrugës.

"Jemi takuar në Madrid, për Krishtlindje. Ne njiheshim, nuk ishte dikush që doli nga hiçi. Diku ishim parë nëpër Tiranë, por ishte nga ato njohjet e përcipta. Nuk është se e kisha qejf dhe nuk e di nëse më kishte, thjesht s'kam patur asnjë mendim për të. Fjalia e vetme që i kam thënë atë ditë që e pashë ishte: "Sa i bukur qënke bërë ti". Ai qeshi."- tregoi Gixhari.

Ndër të tjera, ajo shton se ritakimi i tyre ka qenë krejt rastësor, fiks si nëpër filma kur dy njerëz të destinuar për njëri-tjetrin, takohen pas shumë kohësh.

"Shumë vite pa e parë, kisha harruar që ai njeri ekzistonte diku. Takimi ynë ka qenë fare i rastësishëm, si nëpër filma. Madje miqtë që e dinë historinë tonë kanë filluar vërtet të mendojnë se gjërat janë të shkruara. Pas pak kohësh filluam të flisnim në telefon dhe aty e gjetëm veten duke i shkruar njëri-tjetrit pa pushim."

Olta, thotë se e vetmja arsye që e bëri të linte vendin është se "ra në dashuri shumë keq".

"Rashë shumë keq në dashuri! Propozimi ndodhi në një natë me Hënë të Plotë, në një lokal të vogël dhe romantik buzë detit. Ai është detajist dhe e di çfarë marrëdhënie kam unë me detin. Ndodheshim në Itali dhe më tha: Ti do vish të jetosh me mua?  E pyeta se ku dhe përgjigja e tij ishte: "Kudo!" Unë pranova dhe kaq ishte."- përfundoi ajo.

Kaq e thjeshtë dhe romantike. Sot, dyshja janë prindër të një vogëlushi të quajtur Amar.