Ka të ngjarë që njerëzit të kenë nevojë për një dozë të tretë të vaksinës së Covid-19 (ose një dozë të dytë nëse kanë kryer vaksinat që administrohen në vetëm një dozë) brenda një viti nga vaksinimi i plotë dhe më pas mund të kenë nevojë për doza vjetore për t’u mbrojtur kundër koronavirusit, u shpreh drejtori ekzekutiv i Pfizer, Albert Bourla.
Pfizer dhe kompania gjermane BioNTech, partnerë në prodhimin e vaksinës, po studiojnë sa do të zgjasë imuniteti mbrojtës i vaksinave. Përfundimet e tyre do të japin një informacion më të detajuar nëse do të jenë të nevojshme doza shtesë.
Bourla tha se është "e mundshme" që një përforcues të jetë i nevojshëm brenda 12 muajve nga vaksinimi i parë.
“Është shumë e rëndësishme që të vërehet grupi i njerëzve që janë të ndjeshëm ndaj virusit,” tha ai për CNBC.
Pfizer / BioNTech thanë këtë muaj se të dhënat nga provat klinike sugjerojnë që vaksina e tyre ofron nivele të larta mbrojtjeje gjashtë muaj pas dozës së dytë. Vaksina gjithashtu kishte efekt kundër disa varianteve të njohura të koronavirusit, duke përfshirë një që u raportua për herë të parë në Britaninë e Madhe dhe një tjetër që mendohej se u shfaq në Afrikën e Jugut.
- Grupi i radhës që do të marrë vaksinën kundër Covid-19, duke nisur nga e diela
- Sipas mjekëve, vera 2021 do të na gjejë të lehtësuar
- Disa gra thonë se kanë ndryshime të ciklit menstrual pas vaksinës së Covid-19: Çfarë dihet deri tani
- 187 holandezë nisin pushimet e pazakonta në ishullin grek, por njerëzit thonë se është ‘si burg’
- Ja sa jetë mund të kishte shpëtuar mbajtja e maskave rregullisht, sipas një studimi!
- Certifikatat e Covid mund të jenë sa të rëndësishme aq edhe të rrezikshme
Burimet: NBC News, Guardian
