Original

#ZonaGri: Romina Kuko flet për dhunën në familje dhe vizionin e saj për të rinjtë dhe të moshuarit

Shkruar nga Anabel

14 Prill 2021

#ZonaGri: Romina Kuko flet për dhunën në familje dhe vizionin e

E ftuara e radhës në rubrika “Zona Gri” në Anabel Media në Instagram – që drejtohet nga producentja Dalina Buzi dhe përqendrohet te disa nga gratë protagoniste në politikë, ishte Romina Kuko, zëvendësministrja e Brendshme që prej tetorit 2017 dhe kandidate e Partisë Socialiste në Tiranë në zgjedhjet e 25 prillit.

 
 
 
 
 
View this post on Instagram
 
 
 
 
 
 
 
 
 
 
 

A post shared by Anabel Media (@anabel__media)

Gjatë intervistës, Kuko foli pak për veten si pjesë e administratës publike dhe eksperte në sektorin e sigurisë, gruan në politikë, dhunën me bazë gjinore dhe vizionin e saj për të rinjtë dhe moshat e treta. E pyetur për faktin që ka qëndruar më tepër në “prapaskenë”, ajo u shpreh:

“Unë jam përpjekur gjithmonë që në daljet publike të jem sa më korrekte dhe institucionalisht, sepse kur ti shërben je në një pozicion që duhet t’u shërbesh si të majtëve dhe të djathtë. Debati politik, kur je në një pozicion të caktuar, është pak i vështirë, prandaj kem zgjedhur që të jemi në diskutime ose panele që kanë të bëjnë me punën tonë dhe komunikimin e diçkaje që ka lidhje me punën tonë dhe jo thjesht debat i pastër dhe i mirëfilltë politik.”

Kuko u shpreh se puna më tepër në prapaskenë mund ta penalizojë, por nga ana tjetër i jep mundësi që të krijojë një lidhje organike me njerëzit.

Gjatë karrierës së saj, Kuko ka trajtuar vazhdimisht dhunën ndaj grave dhe në lidhje me pyetjen “çfarë është bërë?”, ajo tha se janë rritur rastet e denoncimeve në polici, gjë që përkthehet se gjithnjë e më tepër po rritet ndërgjegjësimi për të mos e toleruar dhunën.

Ndër të tjera, Romina Kuko foli për seksizmin në çdo fushë, përfshirë edhe politikën. Sipas saj, do duhen dekada që të pranohet fuqia e gruas në shumë fusha, por nga ana tjetër vihet re një qasje pozitive.

“[Pse janë gratë në politikë?] Ju e keni parë që menaxhimi i pandemisë është drejtuar nga një grua që është në vijë të parë [Ogerta Manastirliu] dhe që është 24 orë në shërbim. Kemi profesoreshë Najadën dhe koleget që kanë qenë në frontin e parë. Historia ka treguar se Shqipëria ka nxjerrë gra të afta dhe të zonja, nga të dyja kahet politike. Nuk jam dakord me diskursin që vendosen gra për t’u menaxhuar më lehtë. Ndonjëherë gratë janë shumë më të vendosura sepse duan të bëjnë gjënë e duhur. Statistikisht, gratë janë më pak të korruptueshme sesa burrat.”

Mbi dëshirën e saj për diçka që duhet të bëhet më mirë, Kuko përmendi çështjen e sigurisë, dhunës në familje dhe programet për të rinjtë dhe të moshuarit.

“Do të duhet t’i japim vrullë axhendës sociale, që fillon që me familjet e reja që të rinjtë të ndihen më të sigurt për të krijuar familje. E dyta, do të duhet që të kemi axhendë sociale për të moshuarit, që e kam shumë përzemër, të jetë një mundësi për t’i riaktivizuar [përsa kohë janë aktivë dhe i shërbejnë shoqërisë]. Po kështu edhe për të moshuarit e moshës së tretë dhe padyshim për të rinjtë, të kenë internshipe dhe konkurse, të cilat të jenë sistematike.”

Intervistën e plotë e gjeni këtu:

 
 
 
 
 
View this post on Instagram
 
 
 
 
 
 
 
 
 
 
 

A post shared by Anabel Media (@anabel__media)

Intervistë tjetër në “Zona Gri”: #ZonaGri: Grida Duma flet për rrugëtimin dhe vizionin e saj për politikën

MOS I HUMBISNI