Rihanna është shembulli i pastër i dikujt që di si të punojë. Prej vitesh ajo nuk është më thjesht një këngëtare. Riri tregoi se di të jetë një sipërmarrëse e zonja, pronare e suksesshme kompanie kozmetike, dizajnere mode, aktore dhe mbi të gjitha shumë akoma modeste.

Nëse keni menduar ndonjëherë sa e pasur është na lini t'ju themi se vetëm duke e lexuar ka gjasa të lodheni. Në 2019-ën, Rihanna ishte zyrtarisht muzikantja më e pasur në botë, duke lënë pas Beyonce-n dhe Lady Gaga-n.  Përtej të ardhurave nga muzika, Rihanna paratë e gjeneruara nga bizneset janë çmenduri, suksesi i të cilave sigurisht që nuk është rastësi.

Falë markave që zotëron dhe etikës së punës, Rihanna ka një pasuri prej $600 milionë, sipas Forbes. Ndërkohë, Celebrity Net Worth thotë se ajo fiton diku rreth $40 deri në $80 milionë në vit, pa përfshirë këtu vilën prej $13.75 milion që bleu në Beverly Hills në dhjetor të 2020-ës.

Pavarësisht parave marramendëse, Rihanna mbetet Rihanna. Të dhëna për Forbes thonë se vetë gjatë pandemisë ajo ka kontribuar me $8 milionë pasi në fund të ditës, e ka shumë të qartë filozofinë në lidhje me paranë.

"Paratë vlejnë aq sa unë të kujdesem për familjen time. Më duhen aq sa për të hapur bizneset që unë dua për të krijuar vende pune për njerëzit e tjerë. Paratë e mia s'janë për mua. Janë gjithmonë për të ndihmuar dikë tjetër. Bota na bën të besojmë se prioritet janë ca gjëra të gabuara, na bën të na mungojë esenca e jetës, ajo që të bën të ndihesh gjallë. Kjo m und të jetë një shëtitje e gjatë në një pasdite me diell. Kjo më bën të lumtur."- është shprehur ajo për The New York Times Style në 2019-ën.