Chrissy Teigen, përpara pak kohësh mbylli profilin e Twitter për shkak të negativitetit të pandërprerë atje, por tani një modele pretendon se Teigen e ka bullizuar për një kohë të gjatë dhe nuk i ka kërkuar kurrë falje.

Courtney Stodden e quan Chrissy-n "hipokrite", sepse u largua nga diçka (negativiteti në Twitter), të cilën ajo e ka ushqyer vetë për vite me radhë.

Në një postim në Instagram, Stodden tha me ironi:

"Sa keq! Chrissy Teigen po lë Twitter-in. Qenka "shumë negativ" për të. #bullizuese"

Më pas ajo publikon disa postime të vjetra të Teigen, që prej vitit 2011, kur ajo bënte humor me faktin se llogaria e Courtney-t në Facebook ishte mbyllur, duke përmendur nazistët në krahasim.

"Të thuash se Courtney-t iu mbyll Facebook-u sepse ishte "shumë seksi", është si të thuash se nazistët ishin thjesht ca njerëz egoistë. Hmm...jo dhe aq", shkruan Teigen në një postim përpara 10 vitesh.

Në postime të tjera, Teigen thotë se fantazia e saj e të premtes është "Courtney Stodden në një "dirt nap" - term që përdoret për "gjumë të përjetshëm, vdekje". Në një tjetër Tweet, thotë: "Shko fli, përgjithmonë".

Disa prej postimeve mund të jenë në kontekstin e shakasë, por sipas Stodden ato janë "tallje dhe bullizim i qartë".

Sfondi i gjithë këtyrë është fakti që në atë kohë, Courtney, vetëm 16 vjeç, u martua me aktorin Doug Hutchison, 50 vjeç. Ky lajm bëri bujë në atë periudhë dhe u bë objekt spekulimesh, intrigash dhe talljesh nga shumë njerëz në rrjete sociale. Çifti u divorcua në mars të 2020-ës.

Burimi: TMZ, Page Six