Muskujt elastikë të vaginës mund të hapen dhe kthehen sërish në formën e tyre të zakonshme. Me kalimin e moshës dhe pas lindjeve, muskujt e vaginës mund ta humbasin paksa forcën e tyre. Gjithsesi, pavarësisht miteve që ekzistojnë, seksi nuk ka një ndikim të përhershëm në këtë ndryshim vaginal.

Janë muskujt që rrethojnë vaginën ato të cilat pasi dobësohen, shkaktojnë atë që shpesh përshkruhet si "zgjerim i vaginës". Pse ndodh kjo dhe si mund ta reduktojmë?

1. Seksi

Gjatë aktit seksual, muskujt e vaginës relaksohen dhe kjo mundëson penetrimin. Relaksimi i muskujve ndodh ngadalë, prandaj thuhet që paraloja është i rëndësishëm po aq sa vetë seksi. Pas tij, vagina rikthehet në formën që kishte. Edhe pse ka mite që thonë se aktiviteti seksual ndikon në zgjerimin e vaginës me kalimin e kohës, deri tani nuk ka asnjë provë për këtë.

Dy trupa nuk janë kurrë njësoj dhe seksi me një partner të ri mund të japë ndjesi të tjera, prandaj kur provoni një pozicion tjetër mund të përjetoni ndjesinë e ngushtimit ose zgjerimit të vaginës.

2. Lindja

Pas lindjes së një fëmije, trupi pëson ndryshime të mëdha. Këtu përfshihen: këmbë të fryra, humbje ose shtim në peshë, ndryshim në madhësinë apo formën e gjoksit, shtim strijash apo ndryshime në vaginë. 

Gjatë lindjes natyrale, muskujt e vaginës hapen. Ky lloj zgjerimi kërkon kohë për t'u kthyer në gjendjen fillestare dhe për një kohë të gjatë, do t'ju shoqërojë ndjesia e ndryshimit të vaginës. Shumë gra tregojnë se forma dhe elasticiteti i vaginës së tyre ka ndryshuar pas lindjeve- në këtë rast, ato ndjejnë më pak kënaqësi gjatë seksit, por kjo s'do të thotë se nuk rikuperohet.

Ndryshimet e trupit janë më të dukshme tek gratë që kanë lindur pas të 30-ve. Trupi i grave më të reja në moshë i kthehet gjendjes së mëparshme brenda një kohë të shkurtër.

Plakja

Me kalimin e viteve, trupi nis procesin natyral të plakjes. Lëkura dhe muskujt e humbasin elasticitetin, bëhen më pak të fortë dhe të tendosur- gjë që shpejgon pse shumë gra ndjejnë zgjerimin e vaginës. Gjatë menopauzës, nivelet e estrogjenit bien. Kjo shkakton një vaginë të thatë dhe më pak elastike. Seksi i rregullt gjatë menopauzës mund t'ju ndihmojë në reduktimin e këtij zgjerimi.

A mund të trajtohet një "vaginë e zgjeruar"?

Ka ushtrime fizike të cilat ndihmojnë në forcimin e muskujve që gjenden përreth vaginës. Këgels janë ushtrimet më të rekomandueshme, por duhen bërë duke patur parasysh hapat më poshtë:

1. Fillimisht gjeni muskujt e duhur.

Kur urinoni, përpiquni të ndaloni për pak rrjedhjen e urinës. Bëni kujdes pasi nëse i bëni në mënyrë të rregullt, mund të dëmtoni fshikzën.

2. Gjeni kohën e duhur:

Zgjidhni një moment kur muskujt vaginalë janë të relaksuar dhe përqëndrohuni duke prekur lehtësisht muskujt e pjesës së legenit.

3. Qëndro:

Sapo ta ndjeni që jeni përqëndruar tek ata muskuj, qëndroni në atë pozicion për 10 sekonda.

4. Çlirohu!

Çliro muskujt për 3 sekonda të tjera.

5. Përsërite ushtrimin 10 herë dhe kushtojini vëmendje frymëmarrjes. 

Pjesa tjetër e trupit duhet të jetë e shlodhur. E mira është të bëni 2-3 sete me ushtrimet Kegels gjatë ditës dhe brenda 6 muajve mund të ndjeni ndryshimet e para.

Një tjetër opsion është ndërhyrja kirurgjikale, por rekomandohet në kushte kur vagina apo mitra ka ndryshuar pozicionin fillestar dhe nis të shkaktojë dhimbje apo parehati. Deri më tani, nuk ka asnjë medikament apo kremra të provuar shkencërisht që ndikojnë në ngushtimin e vaginës.

Burimi: Medical News, Health Line