Rita Ora, ndonjëherë punon aq shumë sa harron se është njeri si gjithë të tjerët. Duke qenë se profesioni i saj ka lidhje të drejtë me publikun, Ritës as nuk i shkon ndërmend t'i zhgënjejë, pavarësisht në ç'gjendje ndodhet. 

Pak orë më parë, në Instastory-n e saj, këngëtarja ndau me ndjekësin një reflektim që lidhet pikërisht me këtë që thamë më sipër.

"E urrej kur e shtyn veten kaq shumë për të arritur rezultatin më të mirë të mundshëm dhe e bën këtë deri në pikën që s'dëgjon më as trupin tënd! Kjo sepse nuk do të zhgënjesh askënd. Unë kurrën e kurrës nuk do të lija në baltë askënd, por ndonjëherë në jetë duhet të kujtosh që nuk jemi robotë dhe duhet të kujdesemi për shëndetin fizik dhe mendor. Uroj që kjo dhimbje grykësh të zhduket sepse po më shkatërron!"- shkruan Ora.

Siç mund ta keni vënë re edhe nga përshkrimet e fotot e postuara së fundmi në Instagram, Rita këto kohë është shumë, po shumë e zënë. Aq sa ka harruar të merret me grykët!