Art & Libra

Një rrëfim mbi luftën, veten, kujtimet dhe ndjesitë e një gruaje në përballjen me botën

Shkruar nga Anabel

3 Mars 2021

Një rrëfim mbi luftën, veten, kujtimet dhe ndjesitë e

“Jam e bindur që kujtesës nuk i zihet besë; shpesh, rrethanat në të cilat gjendemi, kur sjellim diçka në mendje, e deformojnë atë kryekëput e, pa dyshim që një gjë e tillë mund të ketë ndodhur me disa prej kujtimeve që kam përmbledhur në këto faqe.” – fragment nga “Dritë e zbehtë mbi kodra”, një rrëfim mallëngjyes mbi luftën, vetveten, kujtimet dhe ndjesitë e një gruaje në përballjen me botën e madhe dhe atë më të fshehtën tonën.

“Dritë e zbehtë mbi kodra” (1982) është romani i parë i nobelistit Kazuo Ishiguro. Nga mjedisi i qetë dhe i huaj i shtëpisë së saj angleze, Etsuko, një grua japoneze që tashmë jeton vetëm, largon vështrimin nga e tashmja e dhembshme për të kërkuar gjetkë kuptimin dhe arsyen e jetës së saj. “Dritë e zbehtë mbi kodra” është cilësuar si një roman plot finesë mbi ndrydhjen e emocioneve dhe të ndjenjave, i lidhur ngushtë me rëndësinë e së shkuarës në kuptimin e së tashmes.

 
 
 
 
 
View this post on Instagram
 
 
 
 
 
 
 
 
 
 
 

A post shared by Botime Pegi (@botimepegi)

“Dritë e zbehtë mbi kodra”, një roman delikat, ironik dhe eliptik, që më shumë sesa rrëfen, lë të nënkuptojë,” shkruan The New York Times. “Duke gërshetuar me mjeshtëri të shkuarën dhe të tashmen, ky roman i parë shpalos një rrëfim dëshpërues dhe trazues, që e mallëngjen lexuesin si për atë çka tregon, edhe për atë çka nuk tregon,” shkruan Library Journal.

Një rrëfim mbi luftën, veten, kujtimet dhe ndjesitë e
Copyright: Lorna Ishiguro

Ishiguro është konsideruar nga kritika si një përzierje e Xhejn Osten, Franc Kafkës dhe Marsel Prustit. “Ai është shumë i interesuar për të kuptuar të kaluarën, por nuk është shkrimtar prustian, ai nuk tenton të zhbëjë të kaluarën, ai eksploron atë që duhet të harrosh për të mbijetuar në radhë të parë si individ ose si shoqëri,” u shpreh sekretarja e Akademisë së Nobelit në 2017-n, kur Ishiguro u vlerësua me Nobelin në Letërsi.

Akademia suedeze e vlerësoi Ishiguron duke e përshkruar si një shkrimtar “i cili, në romane me një forcë të madhe emocionale, ka zbuluar humnerën që fshihet nën ndjesinë tonë të gënjeshtërt të lidhjes me botën.”

Pesë prej librave të tij janë botuar në shqip nga Botime Pegi, “Mos më lër të shkoj”, “Dita e mbetur” “Gjiganti i fjetur”, “Artist i botës fluturake” dhe “Dritë e zbehtë mbi kodra”.

MOS I HUMBISNI