Divorci i Kim Kardashian dhe Kanye West ishte miqësor dhe përfundoi pa drama, por s'mund të themi se jeta post-divorc është e tillë. Duket se ish-çifti nuk po bie dakord për mënyrën se si 4 fëmijët e tyre duhet të rriten.
Burime për People thonë se Kim dhe Kanye kanë vizione komplet të ndryshme për mënyrën e rritjes së fëmijëve, por kjo nuk do të thotë se reperi s'do ta ndihmojë Kim-in në të ardhmen.
"Ata e mendojnë krejt ndryshe mënyrën sesi fëmijët duhet të rriten. Kim do ta mbështesë gjithnjë Kanye-n dhe kauzat e tij, por e ardhmja e saj në lidhje me punën, fëmijët dhe jetën në përgjithësi i përket asaj. Eshtë ajo që bën të mundur gjithçka."
Ndonëse aktualisht secili po merret me projektet respektive, pritshmëritë në lidhje me fëmijët ndryshojnë dhe jo pak herë kjo ka sjellë mosmarrveshje mes dyshes.
Kim dhe Kanye i dhanë fund martesës pas 6 vitesh. Sipas E! Neës, dyshja thjesht filloi të distancohej me kalimin e kohës derisa erdhi ndarja. Një burim shtoi se "Kim u përpoq t'i jepte një shans" dhe se "ajo e kërkoi divorcin që vitin e kaluar, por tani ishte koha për të ecur përpara". Burime të tjera thonë se nuk pati asnjë tradhti dhe "askush nuk bëri diçka të keqe".
Një burim i veçantë i tha People se Kanye thuhet se beson se kandidimi i tij i fundit për president ndikoi për keq në martesën e tyre, duke i dhënë dhe "goditjen finale".
"Para kësaj, kishte shpresë. Pas kësaj, asnjë. Kjo i kushtoi martesën e tij."
