Me siguri e keni marrë vesh lidhjen e re të Kourtney Kardashian. Nëse jo, ja tek ju prezantojmë Kourtney-n dhe të dashurin e saj, Travis Barker.
Bukur deri këtu. Kourtney dhe Travis kanë qenë miq prej 15 vitesh. Lidhja e tyre u përfol në fillim te janarit dhe më pas e konfirmuan në rrjete sociale përmes kësaj fotoje.
Por teksa shumë njerëz uronin çiftin e ri për lidhjen, dikush u duk sikur nuk u lumtuara aspak. Ish-partnerja e Travis: Shanna Moakler.
Shanna dhe Travis ishin të martuar nga viti 2004 deri në 2006-n dhe kanë dy fëmijë, London, 17 vjeç dhe Alabama, 15 vjeçe. Shanna dhe Travis u bashkuan në vitin 2009 dhe u ndanë sërish. Kanë kaluar shumë kohë nga ndarja e tyre, por duket se Shanna ende interesohet për të dashurat e ish-burrit.
Drama nisi kur dikush, fill sapo çifti bëri publike lidhjen, komentoi në Instagramin e Shanna-s duke u shprehur se Travis i ka ulur standardet. Komenti u pëlqye nga Shanna. Pasi njerëzit nisën të kritikonin faktin që gratë krahasohen me njëra-tjetrën, Shanna fshiu komentin.
Por nuk mbaroi këtu. Pas kësaj, ajo publikoi në Instagram një shprehje që thotë: “Mjaft u ankove për jetën tënde. Ka njerëz që po dalin me ish-in tuaj”. Shoqëruar me një emoji që shkel syrin. Shumë e qartë çdo gjë.
Pastaj është radha e Kourtney-t. Ajo publikoi një foto në Instagram ku “këshillon” njerëzit që të ndalojnë së përgjuari ish-partnerët nëpër rrjete sociale. Foton e shoqëroi me një link të blogut të saj Poosh, artikull me titull: “Si të heqësh dorë nga zakoni i të përgjuarit ish-in në rrjete sociale”. Nuk do shumë mend për të kuptuar se po, Kourtney e ka me Shanna-n.
Por as kjo e fundit nuk ndaloi këtu. “Ai është miku im dhe bashkë-prindërojmë dhe dua të jetë i lumtur,” i tha ajo një paparaci në Los Angeles. “Nëse të qenit më të e bën të lumtur dhe ajo është e lumtur, atëherë jam e lumtur për të dy, sinqerisht.” Gjithçka ishte mirë e bukur, derisa Shanna shtoi: “Ai mund ta përballojë dramën e Kardashian-ëve”.
Kourtney, radha jote!
