Nuk ka një përgjigje përfundimtare nëse seksi është më i mirë para apo pas martese. Çdo çift ka eksperiencat e tij personale dhe në pyetjen drejtuar ndjekësve të Anabel, përgjigjet janë thuajse 50 me 50, pak më shumë drejt "pas martese". Njerëzit e pyetur janë kryesisht të grupmoshave 25-34 vjeç dhe mbi 70% e tyre janë gra.

Ja ç'thanë disa prej tyre:

1. Seksi është më i mirë para martese:

- Ehhh...para se të bëhesh me fëmijë do ishte më e saktë.

- Edhe pas martese është super, vetëm se fëmijët e vegjël të lodhin.

- Normal që para, merr frymë kur të duash. 

- Para, sepse më trajtonte në krevat pa "edukatën" që gruas nuk i bëhet kjo apo jo. Tani e bëjmë me protokoll.

- Para, kur kishe pak kohë në dispozicion dhe fshehtas. Dije ta shijoje tamam atë kohë.

- E kemi harruar këtë gjë. Madje ai fle me mamin e tij dhe unë me fëmijët.

- Para martese. Kur ishim të fejuar e bënim 3-4 herë, tani e zë gjumi mbi mua.

- Para se të lindte fëmija sepse ishim më të lirë dhe eksperimentonim.

- Para martese s'përtonim të zhvisheshim.

- Para, pas martese është vetëm i shpejtë.

- Para martese, pas martese shpejt e shpejt se zgjohet goca.

2. Seksi është më i mirë pas martese:

- Këto 2 javët e fundit, pas një sherri të madh (pas 13 vitesh martesë), po e shijoj më shumë se asnjëherë.

- Pas martese, pasi lidhesh më shumë dhe je disi më e lirë për të shprehur çfarë ke në mendje.

- Pas lindjes së fëmijës.

- Unë do thoja më mirë pas fëmijëve. Mbase intrigohesh nga fakti që të duket sikur po e bën fshehurazi.

- Definitivsht pas. Tani e njoh më mirë trupin tim, e di çfarë dua.

- Pas, sepse ke më shumë vetëbesim me partnerin.

- Do thoja pas. Je më e lirshme me partnerin.

- Pas martese shumë më i mirë, sidomos dhe pas fëmijëve.

- Pas lindjes së vajzës ka qenë uou.

- Pas, sepse njeh më shumë veten dhe e di çfarë do nga partneri.

- Pas. Pas 7 vitesh martesë e bëjmë pa komplekse fare.

- Pas lindjes se na duket si aventurë.

- Pas martese zjarr, sidomos pas lindjes.

- Me kalimin e viteve është bërë më super, sepse e njohim njëri-tjetrin.

- Pas. Sa më shumë eksperiencë, aq më mirë. Më shumë lirshmëri.

- Çuditërisht pas.

- Pas martese ikin komplekset, bëhet më mirë.

- Më i mirë pas, sepse lidhja bëhet më serioze.

3. Të tjerë janë përgjigjur duke thënë se seksi mbetet "njësoj", "shumë i mirë edhe para, edhe pas", apo më i mirë "pas divorcit".

Kush ka të drejtë? 

Të gjithë (ndoshta) bazohen nga eksperienca e tyre, e dikujt tjetër apo nga perceptime të tjera dhe në këtë aspekt, nuk ka përgjigje të gabuara apo të sakta. Megjithatë, studiuesit dhe studimet mbështesin kryesisht teorinë se "seksi është më i mirë pas martese".

Ekspertja e marrëdhënieve, Esther Perel, thotë për Well&Good se "martesa mund ta çojë seksin në nivel tjetër sepse ti e njeh partnerin, si askush tjetër dhe anasjelltas". Ajo shprehet se "pas celebrimit, finalizohet një lidhje, por njëkohësisht fillon një lidhje e re".

Në një sondazh të publikuar nga Express UK, 61% e të anketuarve shprehen se "seksi është më i mirë pas martese, sepse e njeh partnerin më mirë", 23% thonë se "seksi është njësoj në të dyja rastet" dhe vetëm 16% thonë se "preferojnë seksi para martese dhe se iu mungon". 

"Ndërsa e njihni dhe i besoni partnerit tuaj, ju prireni të bëheni më komodë duke u treguar më të hapur për mënyrën si ndiheni çfarë ju pëlqen dhe çfarë fantazoni", thotë Jess O’Reilly, seksologe, eksperte e marrëdhënieve. 

"Ideja se të martuarit s'bëjnë seks është një mit, sepse të dhënat vërtetojnë krejt të kundërtën: Të martuarit bëjnë seks shumë më shpesh se beqarët", shprehet ajo për Healthline.

Copyright Anabel.al / Ndalohet ribotimi pa lejen e redaksisë.