Ariana Grande ka qenë e famshme për që në moshën 16-vjeçare dhe me kalimin e kohës, artistja ka evoluar për t'u bërë sot, një prej këngëtareve më të suksesshme.

Ky rrugëtim i gjatë i 27-vjeçares i ka bërë ndjekësit të kthehen pas në kohë dhe të shohin se si ka ndryshuar zëri i saj vetëm kur flet, por jo kur këndon.

Pas një Q&A Live (Pyetje dhe Përgjigje), njerëzit filluan të komentonin se si ajo s'tingëllonte më njësoj dhe zëri i ngjante më i thellë.

Twitter u mbush me komente si:

"Prit pak, vetëm mua më duket sikur zëri i Ariana Grande-s është bërë më i thellë?", Më duket mua apo zëri i Ariana-s është ndryshe nga herët e tjera?", "Vetëm unë mendoj që i ka ndryshuar zëri? Është bërë pak më i ulët dhe ajo tingëllon me më shumë vetëbesim", "Pse është zëri i Ariana-s kështu tani?", "E keni vënë re që Ariana s'flet më me zërin prej princeshe?", "Më pëlqen  që Ariana po flet me zërin e saj natyral dhe jo me zërin si bebe që bën ndonjëherë."

Përveç ndryshimit të zërit nga puberteti (jo rasti në fjalë), zërat mund të ndryshojnë edhe për arsye si: Një rënie në gjendjen e përgjithshme shëndetësore, apo “mekanizmi vokal i plakjes”.

Në të dyja këto arsye zërat ndryshojnë për t’u bërë më të dobët, por as këto s’duken të jenë rastet e këngëtares.

Ndoshta, thjesht epoka e “Cat” tek “Victorious” apo “Sam & Cat”, mbaroi.