Me rastin e 13-vjetorit të Pavarësisë së Kosovës, Newborn në Prishtinë ndryshoi sërish pamje. Koncepti i ri u prezantua nga autori i momumentit në Facebook, Fisnik Ismaili.
“Natën e mirë, ushtarë dhe dëshmorë. Çdo ditë në mendje, sivjet në monument. Newborn 13.” – shkroi ai.
Ditë më parë, Ismaili ftoi njerëzit që të shkonin pranë momumentit për të lënë gjurmën e tyre. “Ne po ju presim me lanë shenjë sot, që me e shndritë qytetin për nesër,” shkroi ai ditën e djeshme.
Shenjat e duarve në momument janë një formë për të nderuar viktimat e rëna në luftë.
Në vit më parë, pamja e Newborn iu dedikua viktimave të abuzimit seksual gjatë luftës.
“Po bahen 21 vjet që neglizhohen, s'pranohen prej shoqërisë, përulen e nënçmohen, përderisa çështja e tyne shukatet. Konsiderohet si marre. Injorohet vazhdimisht fakti që 20,000 janë përdhunue gjatë luftës, derisa ato kanë vazhdue me shumë mund me iu kthye jetës normale, me përbuzjen më të madhe që ua kemi dhanë ne, e që hala s'po bahemi zani i tyne sa duhet [sic],” shkroi krijuesi i monumentit.