Me siguri keni dëgjuar se kur rastisni të shihni orën 11:11 apo 12:12 është momenti për të shprehur një dëshirë pasi është shenjë e fatit të mirë. Duket si rastësi e çuditshme që shihni numra të përsëritur herë pas herë, por në fakt është universi ai që po përpiqet t'ju thotë diçka.
Numrat e përsëritur që kapni vazhdimisht janë një mënyrë e universit për të tërhequr vëmendjen tonë. Ndoshta, mund ta ndodhë që sa herë sheh orën është 2:22. Pastaj një ditë tjetër fatura e darkës në restorant të vjen 22.22 dollarë. Mund të mendoni se e gjithë s'është asgjë veçse koiçidencë, por në fakt jo. Eshtë një shenjë që vjen me një kuptim specifik.
Numrat që përsëriten si 11:11, 222 apo 555 njihen në numerologji si "master numbers" që do të thotë se janë numra me shumë fuqi, me mision shpirtëror dhe fatsjellës. Ndryshe njihen edhe si "numra ëngjëjsh" që praktikisht kanë të njëjtin kuptim. Nuk ka rëndësi nëse besoni tek ëngjëjt, universi apo tek fuqia e mendjes, numrat e përsëritur që iu dalin para nuk janë aksidentalisht.
Për secilin numër ka një kuptim të veçantë në numerologji, prandaj mesazhi që merrni është i ndryshëm. Nëse shihni numrin 2 në seri, është një shenjë që jeni në vendin e duhur në kohën e duhur pasi 2-shi përfaqëson harmoninë dhe balancën.
333-simbolizon rritjen, që do të thotë se është një shenjë që ju paralajmëron për rritje në jetën tuaj. 444 nënkupton se jeni i mbështetur dhe i sigurtë aty ku gjendeni në atë moment. 555 tregon se diçka është gati për të ndryshuar në jetën tuaj.
Nëse për një periudhë kohore ju ndodh të shihni shpesh numra që përsëriten, konsiderojeni si një përshëndetje nga universi. Përshembull, nëse çdo ditë kapni orën 11:11, kujtojini vetes që jeni në rrugën e duhur. Numerologjia na vjen në ndihmë kur vjen puna për të dekoduar mesazhet sekrete të universit, por në të njëjtën kohë mos e injoroni intuitën dhe situatën aktuale tuajën kur ta interpretoni këtë mesazh.
Burimi: Bustle
