Gigi Hadid ka një tatuazh të ri dhe siç mund ta merrni me mend, i dedikohet vogëlushes Khai. Prindërit e rinj kanë vendosur të kenë përgjithmonë në trup një simbol matchy-matchy si gjest dashurie për për të bijën.
Gjatë një videoje të realizuar për Vogue, teksa Gigi përhap make up-in, duket qartë një tatuazh në bicepsin e saj dhe nga ç'shohim është i njëjtë me atë që këngëtari ka në dorë.
Referuar People, tatuazhi është emri i bebushes i shkruar në gjuhën arabe.
Aspak i zakonshëm, por mbi të gjitha tatuazhi më i veçantë që çifti mund të ketë në trup. Emri i veçantë, shkruar në mënyrë edhe më të veçantë. Gigi dhe Zayn nuk kanë publikuar ende një foto të vajzës, por kanë ndarë me botën thuajse çdo gjë rreth rrugëtimit të pritjes së ëmbël.
Në intervistën e fundit, supermodelja tha se lindja natyrale në shtëpi ishte çmeduri, por e gjtihë eksperienca ia vlejti. Khai erdhi në jetë në shtator të 2020-ës, në fermën ku Gigi jeton me Zayn dhe familjen e saj.
