Dafina Zeqiri dhe Tayna nuk janë më shoqe, por duket se çfarëdo inati të kenë pasur me njëra-tjetrën, nuk e kanë hedhur ende pas krahëve.
“Ty nuk t’i dinë as këngët, mua freestyle-t m’i dinë përmendësh. Nuk jemi njësoj,” shkroi Tayna në një postim në Instagram.
Dafina nga ana tjetër publikoi një përshkrim të muzikës rep në formën freestyle – e pashkruar, e papërsëritur, e paprerë dhe forma më e papërpunuar e hip hopit.
Në një freestyle, vihet re se reperi/ja ngec, zvarg fjalët, përsërit, mendohet, ndonjëherë nuk godet në shenjë. Teksti është i improvizuar dhe pa ndonjë strukturë të përcaktuar. Përgjithësisht freestyle-t e Taynës janë perfekt dhe nuk është hera e parë që njerëzit ia vënë në dukje se nuk improvizon.
Sidoqoftë, këto ironitë e herëpashershme mes ish të vetëquajturave “the best duo” me gjasë nuk do të ndalojnë. Nuk dihet çfarë ka ndodhur, por inati vazhdon.
