Sex and the City do të rikthehet, por tani jeta e vajzave më të famshme do të pasqyrohet e lidhur me realitetin e 2021-it. Carrie, a.k.a Sarah Jessica Parker, ka treguar detaje të reja në lidhje me serialin dhe thotë se pjesë e tij do të jetë dhe Covid-19 bashkë me realitetin e krijuar prej tij.

"Covid-19 do të jetë pjesë e historisë tonë sepse kjo është bota në të cilën jetojnë karakteret. Pandemia ka ndryshuar lidhjet dhe marrëdhëniet tona. Kam shumë besim që skenaristët do ta përfshijnë dhe analizojnë me kujdes gjithë këtë."-është shprehur ajo për Vanity Fair.

Aktorja dukej më shumë se e emocionuar teksa zbuloi se fokusi kryesor i personazhit të saj dhe kolegeve të tjera do të jetë jeta në të 50-at.

"Kush janë ato tani? Si po përshtaten me botën? Si kanë ndryshuar si gra, shoqe, mikesha dhe si e gjetën rrugën e duhur? Të gjitha këto do të pasqyrohen në film."- vazhdoi ajo.

Seriali pritet të ketë rreth 10 episode nga 30 minuta për seri dhe fillimisht do të transmetohet në HBO Max.