Pas një janari “të gjatë”, të gjithë jemi gati për mbërritjen e shkurtit.

Shkurti është një përsëri një muaj i ftohtë, prandaj duhet të vendosim një ekuilibër në veshjet tona, mes rehatisë, të ngrohtit por edhe kombinimit të shumë ngjyrave/materialeve.

Më poshtë, do të gjeni nëntë veshje për t'i provuar gjatë shkurtit, që do t'ju bëjnë të ndjeni se pranvera është pranë, por gjithashtu do të sigurohen të mos “ngrini” nga i ftohti.

Një nga mënyrat më të lehta për të filluar tranzicionin e garderobës tuaj dimërore në pranverë është të filloni të ndërroni pjesët kryesore. Zëvëndësoni palltot e errëta me ato me ngjyra më të lehta pastel.

Me muajt e ngrohtë që janë rrugës, do të jetë koha e përkryer për të veshur fustanet tuaja të preferuara. Thjesht shtoni një palë çizme dhe nëse keni shumë ftohtë, dhe një palë geta të errëta.

“Këmisha e Oxford-it” është përsëri pjesë e stilit pranverë / verë 2021 dhe është ideale për t’u veshur me gjithçka, nga xhinset te fundet prej lëkure.

Siç mund ta keni lexuar në Anabel, roza do të jetë ngjyra e pranverës. Ju mund ta “ashpërsoni” look-un, duke e kombinuar me pantallona të zeza lëkure.

Bluzat “second-skin” po shfaqen shumë në sfilatat pranverë / verë 2021 dhe një mënyrë perfekte kombinimi është t’i vishni ato me fundet treçereksh (midi).

Pulovrat e thurura, të qëndisura me lule, do të vazhdojmë t’i shohim edhe gjatë shkurtit.

Një mënyrë për ta bërë veshjen të ndihet e freskët është të vishni të njëjtën ngjyrë nga koka te këmbët.

Fustanet “knit” (me thurje), janë përsëri IN dhe gjasat janë t’i shohim po aq shpesh në shkurt, sa i pamë në janar.

Fundet nuk janë opsioni i vetëm. Pse të mos kombinoni një palë pantallona të shkurta me geta?

Burimi: Who What Wear