A jeni ndjerë ndonjëherë të frustruar nga dikush përreth jush që do vetëm energji pozitive gjatë gjithë kohës? Sikur të mos mjaftonin memet e Instagram-it dhe blogeret që flasin pafund për "good vibes" apo "lumturinë" si të ishte kaq e thjeshtë, padashje shoqëria e sotme të bën të ndihesh fajtor. Sigurisht që të qënit pozitiv është diçka e mirë, por ka një ndryshim mes optimizmit dhe mohimit të realitetit dhe kalimi i kësaj linje  është një problem i shtuar. Pavarësisht se pozitiviteti toksik i disa njerëzve ka qëllim të mirë, ekspertët thonë se duhet bërë kujdes, pasi kur kalohet masa, pozitiviteti i tepërt bën dëm.

Çfarë është pozitiviteti toksik?

Mohimi i ndjenjave negative, një lloj sjelljeje e sforcuar pozitive që përpiqet të refuzojë çdo lloj ndjesie pozitive. Sipas studiuesëve, ti thuash dikujt "gëzohu" kur janë në mesin e një trishtimi apo problemi nuk është fare e dobishme. Ky lloj refuzimi i të vërtetës që ke përballë mund të bëhet i dëmshëm, pasi personi fillon të shkëputet nga realiteti. Jo vetëm që diçka e tillë që shkëput nga ndjesitë dhe eksperiencat e vërteta, por vjen një moment ku mund ta gjeni veten të lënduar vetëm sepse keni refuzuar informacionin apo situatën e vërtetë për të patur një fasadë pozitive.

Pasojat e pozitivitetit toksik

Pavarësisht kësaj fasade pozitive, ankthi është aty, i grumbulluar dhe i paçliruar duke qenë se personi refuzon ta pranojë dhe ta luftojë, por thjesht "e mbulon" me pozitivitetin fals. Duke e injoruar një problem, apo mohuar atë, nuk do të thotë se ai u zgjidh apo u zhduk krejt nga hiçi, përkundrazi pasojat e tij bëhen edhe më të dukshme me kalimin e kohës.

Nga se shkaktohet ky pozitivitet? 

Fatkeqësisht, pandemia globale ka detyruar njerëzit të përfshihen dhe ta përqafojnë këtë lloj pozitiviteti. Gjithçka ka ndodhur ka bërë që njerëzit të luftojnë me emocione si stresi, frika apo ankthi duke bërë të kundërtën. 

Kjo është gjithashtu një përgjigje natyrale e trurit, një tendencë për të besuar se gjithçka po shkon mirë, edhe kur nuk është kështu.

Si ta luftojmë pozitivitetin toksit? 

Si fillim duhet të kujtoni dhe t'i pranoni vetes që është Ok të mos ndihesh mirë. Flisni me miqtë, familjen dhe shkëputuni për pak nga rrjetet sociale.

Burimi: Pop Sugar