Më falni, mos ish-i thumboi Taylor Swift në mes të festivalit? o.O

Getty Images

Grupi The 1975 zhvilluan performancën e tyre të parë në skenë Pyramid në Glastonbury, çka për ta ishte një rikthim në shtëpi (pas performancave në 2014-ën dhe 2016-ën), por për Matty Healy, ish-in e Taylor Swift, moment ideal për të hedhur një thumb.

Sa për kontekst: Taylor publikoi albumin e nominuar për Grammy, “The Tortured Poets Department”, pranverën e kaluar. Mendohet gjerësisht se shumica e këngëve janë frymëzuar nga marrëdhënia e ndërlikuar me këngëtarin e “Love It If We Made It”, ndaj ai s’e kurseu një kunjë.

Në një video të publikuar nga Variety, muzikanti ngre një gotë birrë, si dolli për publikun përpara se të mbajë një fjalim të shkurtër:

“Ajo që po kuptoj nga ky moment është se ndoshta jam… ndoshta jam tekstshkruesi më i mirë i brezit tim. Më i miri, si të themi, poet! Zonja dhe zotërinj, jam një poet!”, u shpreh ai.

Pas përfundimit të marrëdhënies 6-vjeçare të Taylor me Joe Alwyn, ajo dhe Matty thuhet se kanë qenë në një lidhje nga maji deri në qershor të vitit 2023. Ai, jo vetëm që mori pjesë në disa koncerte të turneut “ERAS” të Taylor, por patën edhe disa shkëmbime, ku i dedikonin njëri-tjetrit këngë nga turnetë e tyre.

Kur “The Tortured Poets Department” u publikua, Us Weekly raportoi se vokalisti i The 1975 ishte “plotësisht i befasuar” nga ky projekt dhe kishte “ndjenja të përziera” për të.

“Ai e do gjithë këtë vëmendje që i ka sjellë albumi, por mendon gjithashtu se është qesharake sepse në asnjë moment nuk ka qenë aq serioze sa për të thënë gjëra për bebe, jetesën e përbashkët etj. Ai thotë se këto as nuk janë përmendur kurrë dhe po e merr me sportivitet”.

Sot, Taylor është e lidhur me Travis Kelce, ama presim të shohim nëse do të ketë ndonjë kundërpërgjigje.