Greta Thunberg i kujton njerëzve dhe njëherë se pse s’duhet të ngatërrohesh me një adoleshent/e: Ata janë të shkathët dhe shumë më të mirë në internet!
Ndërsa ish-presidenti i SHBA-së, Donald Trump u largua nga Shtëpia e Bardhë për herë të fundit përpara inagurimit të Joe Biden, më 20 janar, aktivistja 18-vjeçare postoi një foto nga largimi i tij, me shkrimin:
“Duket si një i moshuar i lumtur që e pret një e ardhme e ndritur dhe e mrekullueshme. Kaq bukur ta shohësh.”
He seems like a very happy old man looking forward to a bright and wonderful future. So nice to see! pic.twitter.com/G8gObLhsz9
— Greta Thunberg (@GretaThunberg) January 20, 2021
Postimi është një miks i asaj që Trump shkroi për Thunberg në Twitter, pas fjalimit të saj të famshëm në Kombet e Bashkuara në 2019-ën:
"Duket si një vajzë e re dhe e lumtur që e pret një e ardhme e ndritur dhe e mrekullueshme. Sa bukur ta shohësh!"
Kjo është hera e dytë që Greta përdor fjalët e vetë ish-presidentit për të shkruar për të.
Gjatë zgjedhjeve presidenciale, ajo bëri këtë postim në përgjigje të kundërshtimeve të Trump dhe kërkesës së tij për ndalimin e numërimit të votave:
“Kaq qesharak. Donald duhet të punojë me problemin e tij për menaxhimin e zemërimit, pastaj të shkojë të shohë një film të vjetër me një mik! Qetësohu, Donald, qetësohu!”, shkroi 17-vjeçarja suedeze në Twitter, ditën e enjte.
So ridiculous. Donald must work on his Anger Management problem, then go to a good old fashioned movie with a friend! Chill Donald, Chill! https://t.co/4RNVBqRYBA
— Greta Thunberg (@GretaThunberg) November 5, 2020
Postimi, ishte thuajse identik me atë të Trump:
Burimi: Pop Sugar
